QUEZON- ISANG dating durugista ang nasakote ng mga miyembro ng Padre Burgos PNP DEU sa isinasagawang buy bust operation sa may bahagi ng Brgy. Kinagunan Ibaba, bayan ng Padre Burgos sa lalawigang ito.
Kinilala ang suspek na si Maximo Cruz Jr., 36 anyos at residente ng nabanggit na Barangay.
Base sa report ni Padre Burgos-PNP DEU chief P/Lt. Randy Buenaventura, dati ng sumuko si Cruz sa kasagsagan ng Oplan Tokhang subalit sa isinagawang pagmomonitor at mga natatanggap na impormasyon, napag-alaman na bumalik ito sa pagbebenta at pagtutulak ng iligal na droga.
Kaya’t agad nagkasa ng entrapment operation kung saan positibong nakabili ng isang heat sealed transparent plastic sachet na naglalaman ng shabu ang isang pulis na nagpanggap na poseur buyer kay Cruz.
Nakuha sa suspek ang tatlo pang heat sealed transparent plastic sachet na naglalaman ng droga at marked money na ginamit ng mga pulis sa pagbili ng droga kay Cruz.
Kasalukuyang nakakulong sa PNP Custodial Facility ang suspek at sinampahan na ito ng mga kasong paglabag sa Section 5 at Section 11 ng RA 9165. BONG RIVERA
Related posts:
15 KATAO SANGKOT SA DRUG TRADE
2 PULIS NA ‘ADIK’ NAKAHULI NG 3 PUSHERS
3 EX-DETAINEES, 2 PA SAKOTE SA DRUG TRADE
‘BIG BOSS’ NG DRUG TRADE SA BAGUIO TIKLO SA LA UNION
ESTUDYANTE TIMBOG SA DRUG TRADE
PARAK AT ADIK TUMBA SA ENCOUNTER
ADIK ARESTADO SA PANGGAGAHASA SA ANAK
WANTED SA DRUG TRADE DEDO SA SHOOTOUT
Comments are closed.