DENNIS ‘DI NAKATIIS, PINATULAN ANG BASHER

NA-BASH ng husto si Dennis Trillo nang i-post niya ang kuhang picture kasama si Bong Revilla. Ang naturang larawan ay kuha nang ‘di sinasadyang nagkatabi ang dalawa sa Mactan airport sa Cebu City.

Ang kuhang larawan ay may caption na “Alyas Pogi w/ Elias Pogi.” Si Bong ay may movie na ginawa noon na Alyas Pogi at Elias Pogi naman ang name ni Dennis sa teleserye nila ni Dingdong Dantes sa Cain at Abel.

Hindi nagustuhan ng ilang netizens ang ibinahaging larawan ng Kapuso actor.

Anila: “Why support the Guy? @dennistrillo #trapona #corruptpa #personalispolitical.”

‘Di naman nag-hesitate si Dennis nang sumagot sa basher  “katabi lang sa plane relax, support agad?”

Sabi naman ng isang netizen: “Yuck! Be careful who you associate yourself with @dennistrillo. You’re a good actor pero di ka nag-iisip. #unfollowing”

Matapang na sagot ni Dennis, “ikaw ang hindi nag-iisip, dumb ass!”

KRIS IPINANGANGALANDAKANG ENGAGED NA SI ERICH

DINALAW ni Erich Gonzales si Kris Aquino. Walang ginawa ang dalawa kundi ang maghuntahan.

Tinuturing na ni Kris na Kapamilya ang actress. Lagi nga niyang sinasabing si Erich ang kanyang pa­nganay na anak.

But how true na engaged na raw ang dalaga? ‘Yun daw kasi ang pinag-uusapan ng magkaibigan sa ilang oras na pagkukuwen-tuhan. Si Kris ang excited kapag ikinasal na si Erich. Katunayan siya ang nagtanong sa actress kung engaged na nga ba ito.

Hindi naman naniniwala ang fans ni Erich. Hangga’t wala raw silang video na ipinakikita ng idolo ay ‘di sila naniniwalang magpapakasal na ito.

JAK ROBERTO FAN BOY NI BEA ALONZO

VIRAL ang pinost ng Kapuso actor na si Jak Roberto ng photo kung saan kasama niya ang Kapamilya actress na si Bea Alonzo. Nilagyan ni Jak ng caption na speechless…@beaalonzo.

Maraming netizens ang nag-react at nagsabing tiyak daw na magseselos ang girlfriend nitong si Barbie Forteza at mai-insecure.

Aba, sino ba naman ang hindi magkakaroon ng insecurities kung ang magandang actress ang kasama sa larawan?

Ayon naman sa Kapuso actor, nagpaka-fan boy lang siya at nabighani sa ganda ni Bea.

Komento ng netizens: “Fan boy beautiful Bea walang kupas.” “Wow ang dalawang idol ko lagot ka po kay Barbie, hehehehe!” “Kung maka-speechless naman to!@barbaraforteza, oh?” “Mukhang mag-aaway sila mamaya hahaha ” “@jakroberto, a true and committed gentleman will not post this anymore in respect to her girlfriend.”

IWA AT PAMPI  NAGPA-ACUPUNCTURE KAY JODI

SADYANG maganda na nga ang samahan nina Iwa Moto at Jodi Sta. Maria. Super close na ang dalawang celebrity moms. Si Jodi ang first wife ni Pampi Lacson na partner ngayon ni Iwa.

Sina Iwa at Pampi ay nagpa-acupuncture kay Jodi. Naaliw si Iwa kaya kinunan niya ng video at ibinahagi sa kanyang social media account.

Si Jodi ay nag-aral ng acupuncture noong nakaraang taon at nakatanggap pa ng certification na isa na siyang Acupuncture Detoxification Specialist. Tawang-tawa pa si Iwa sa video dahil tila kinakabahan pa si Pampi habang ginagawa ito.

Humanga ang netizens sa kanilang kakaibang samahan.