INILUNSAD sa Marikina Sports Center ang bagong Dialysis Center Upang mabigyan ang mga residente ng libre at accessible na dialysis treatment, na ginanap kasabay ng ika- 394th Anibersaryo ng Marikina City kamakailan.
Sinabi ni Mayor Marcelino “Marcy” Teodoro na ang Marikina Dialysis Center ay isang pag-asa para sa mga lumalaban sa chronic kidney disease (CKD) sa kanilang komunidad, at binanggit na ang CKD ay pang-apat sa listahan ng mga nangungunang sakit sa Pilipinas, at ikapito sa pangunahing sanhi ng pagkamatay ng mga Pilipino.
“Ayon sa datos ng Philippine Renal Disease Registry, pitong milyong Pilipino ang apektado ng CKD at humigi’t kumulang dalawa’t kalahating milyon naman ang sa peritoneal at hemodialysis sa kada oras ang nada-diagnose na may chronic kidney disease,” anang mayor.
Ang Marikina Dialysis Center ay may mga makabagong pasilidad, kabilang ang 22 pinakamataas na kalidad na dialysis machine mula sa Japan, na may kawani ng isang dedikadong pangkat ng mga nars, admin staff, technician, at mga medikal na propesyonal.
“Kaya Naman, ang Marikina Dialysis Center ay naninindigan bilang isang mahalagang mapagkukunan sa ating paglaban sa pandaigdigang epidemya sa pamamagitan ng pagtutulungang pagsisikap sa Tresmedica Trading, Inc., layunin nating bigyang kapangyarihan ang ating mga residente ng kaalaman sa pamamagitan ng mga programang pang-edukasyon at forum,” aniya.
Elma Morales
