DIGITAL ECONOMY

ANG digital economy ay ekonomiyang nakabatay sa paggamit ng digital na teknolohiya at data upang lumikha ng mahalagang serbisyo na ang bansa ang magtatamasa.

Makatutulong ito sa pagpapalago ng negosyo at pagpapaunlad ng ekonomiya ng bansa sa pamamagitan ng pagpapataas ng produktibidad,  pagpapalawak ng merkado,  pagpapabuti ng kalidad at pagpapababa ng gastusin.

Ang bagay na ito ay pumapabor sa pagpapataas ng tax collections ng Bureau of Internal Revenue (BIR) at Bureau of Customs (BOC) dahil mas madali at mas mabilis ang pagkuha at pagproseso ng impormasyon, pagbabayad ng buwis at pagpapatupad ng mga regulasyon.

Mabilis na uunlad ang ating bansa sa implementasyon ng digital economy, ayon sa mga pag-arral, at kapag nagtagumpay ito sa kabuuang implementasyon, mas magiging kumpetitibo at inobatibo ang mga negosyo at industriya.

Bukod pa riyan, mas magiging epektibo at transparent ang pamahalaan at mas magiging masaya at masagana ang mga mamamayan.

Halos lahat ng sektor ay mabibiyayaan ng agarang pagbilis ng ekonomiya gaya ng mga sumusunod:

• Agrikultura dahil sa pagpapabuti ng ani, pagpapababa ng peste at mga sakit, pagpapahusay ng supply ng chain at pagpapalakas ng kapasidad ng mga magsasaka.
• Edukasyon dahil sa pagpapalawig ng access sa edukasyon, pagpapataas ng kalidad ng pagtuturo, pagpapalakas ng kasanayan at kaalaman ng mga mag-aaral at guro at pagpapalitaw ng potensiyal sa mga kabataan.
• Kalusugan dahil sa pagpapabuti ng kalusugan at kagalingan ng mga tao, pagpapababa ng sakit at kamatayan, pagpapahusay ng serbisyo at pasilidad at pagpapalakas ng ugnayan ng mga duktor, nurse at pasyente.
• Turismo sa dahilang mas mapapataas ang kita at trabaho, mapagbubuti ang karanasan at seguridad ng mga turista, at mapalalaganap ang kultura at kasaysayan ng bansa.

Kung magtagumpay nang husto ang implementasyon ng digital economy ay patungo ang bansa sa minimithing tagumpay. Ang Pilipinas ay patungo sa landas ng isang maunlad, mas makabago,  at mas mapayapang lipunan kapag nagtagumpay ang implementasyon nito.

Ang digital economy ay magbibigay ng mga oportunidad at benepisyo sa lahat ng sektor at antas ng lipunan, at magpapalakas ng demokrasya at karapatang pantao.

Ipinatutupad na rin sa ibang bansa ang estratehiyang ito at kabilang sa mga ito ay ang Singapore na siyang nangunguna sa implementasyon ng digital economy, gayundin ang Estonia na isa sa pinaka-digitalized na bansa sa Europa at sa buong mundo at  maging sa Rwanda, na isa rin sa mas mabilis na umuunlad sa digital economy sa Africa.