MUNTIK na umanong mag-walkout si Pangulong Rodrigo Duterte sa holding room ng Kamara kahapon dahil sa nangyaring delay sa kaniyang State of the Nation Address bunsod ng komosyon sa pagpapalit ng liderato ng Mababang Kapulungan.
Ito ang ibinunyag ni Senate President Tito Sotto kung saan nainis si Pangulong Duterte dahil sa nangyaring delay dahil sa kudeta para ipalit si Congresswoman Gloria Macapagal Arroyo bilang bagong House Speaker.
“Yes. He made the threat to that effect. Mag-walkout talaga ako ‘pag hindi n’yo talaga inayos ‘yan,” wika ni Sotto.
Pagtatanong umano ng Pangulo, bakit aniya kailangang isabay pa ito sa araw ng kaniyang SONA.
Ayon kay Sotto, hindi ikinatuwa ng Presidente ang nangyari dahil may mas mabuting paraan aniyang maaaring gawin ang Kamara kung nais nilang palitan ang kanilang lider.
Ikinatuwiran ng Pangulo ng Senado na hindi maganda na puwersahan ang paglilipat ng liderato dahil maaari naman itong gawin anumang oras naisin ng mga mambabatas basta’t ito ay nasa loob ng isang duly constituted plenary session.
Matatandaang kamakalawa ng gabi, pormal nang idineklara si Arroyo bilang bagong House speaker sa botong 184 affirmative at 12 abstentions. VICKY CERVALES
Related posts:
PANAWAGAN SA SOBERANYA, DAGDAG SAHOD AT ENDO, IDADAAN SA MGA ISUSUOT SA SONA
(Matapos ang SONA ni Duterte) BAYANIHAN 2 APRUBADO NA
(Para i-deliver ang ika-5 SONA) DUTERTE MAGTUTUNGO SA BATASAN
5TH SONA NI DUTERTE, MAGHAHATID NG PAG-ASA SA GITNA NG PANDEMYA
PANTAWID PASADA PROGRAM PINAIIMBESTIGAHAN NI DUTERTE
SONA NI DIGONG, TAUMBAYAN ANG HUMUSGA
MEDIA, BAWAL PA SA MISMONG SONA
(Signal jamming, temporary gun ban ipatutupad) NCRPO HANDA NA SA SONA
Comments are closed.