CAMP AGUINALDO – PAREHONG umalma ang Department of the Interior and Local Government (DILG) at Armed Forces of the Philippines (AFP) sa brutal na pagpatay sa apat na pulis sa Negros Oriental noong nakaraang linggo.
Sinasabing tig-isang bala sa ulo ang ibinigay ng New Peoples Army (NPA) sa apat na pulis at umano’y pawang nakaluhod pa ang mga ito na pinahirapan pa.
Una nang kinumpirma ng isang mataas na opisyal ng Philippine Army na execution at hindi ambush ang naganap sa likod ng pagkamatay ng apat na unang inulat na tinambangan ng mga NPA sa Sitio Yamot, Barangay Mabato sa bayan ng Ayungon, Negros Oriental.
Ayon kay Lt. Gen. Noel Clement commander ng AFP Central Command, lumabas sa kanilang pagsisiyasat na may pinuntahang tao ang apat na pulis sakay ng dalawang motorsiklo nang bihagin sila ng NPA.
Samantala, ipinag-utos ni Interior Secretary Eduardo Año sa pulisya at militar na hanapin ang mga salarin.
“As a former uniformed officer, I am enraged at this latest atrocity of the NPA which is a huge affront to our uniform, our badge, and our dignity as men and women in uniform. We will make sure that justice will be served to the families of the victims,” ayon kay Año.
Una nang sinabi ni PNP PRO 7 Director PBGen. Debold Sinas, na ang apat na pulis ay kinaladkad, iginapos na parang baboy, at saka binugbog ng nasa 30 hanggang 40 katao kaya bali ang tadyang ng mga ito. VERLIN RUIZ/PAULA ANTOLIN
Related posts:
163K PULIS MAGBABANTAY SA BSK ELECTIONS
800 PULIS PUMOSTE SA SC HALL PARA ISEKYUR ANG MGA RALIYISTA
P6-B PARA SA MGA KOMANDER NG PULIS
HEPE NG PULIS NA MISSING IN ACTION SINIBAK
674 PULIS INASUNTO VS HR VIOLATIONS
PULIS KULONG SA PANUNUTOK NG BOGA SA LOLO
BEBOT KALABOSO SA PANUNUHOL SA PULIS
PULIS-MAKATI UMAYAW SA SUHOL
Comments are closed.