DINGDONG LUMIPAD SA PALAWAN PARA SA ANNIVERSARY NG AMAZING EARTH

PUSPUSAN na ang preparasyon para sa nalalapit na anibersaryo ng award-winning infotainment program ng GMA-7 na Amazing Earth. Bilang paghahanda, lumipad pa ang host ng show na si Kapuso Primetime King Dingdong Dantes kasama ang Amazing Earth production team patungong Palawan upang personal na bisitahin ang Calauit Safari Park na isang game reserve at wildlife sanctuary.

Marami ang natutuwa at nai-inspire sa naturang programa dahil sa pagbibigay nito ng pansin sa kagandahan ng kalikasan at kung papaano ito mapapahalagahan. Sabi pa ng Instagram user na si marteelee, “Sobrang ganda ng Pilipinas. Maraming salamat sa mga taong tulad n’yo @dongdantes na nagbibigay halaga sa ganda ng ating kapaligiran na dapat pa­ngalagaan at mahalin.”

Isang taon simula ng umere ang Amazing Earth, thankful si Dingdong sa experience at challenging adventures na natuklasan niya ng maging host ng programa. “Every week, I get to explore beautiful places in our country, and most of them are definitely not easy to get to. We cross islands, climb mountains, hike forests, and walk through sand dunes and grasslands— quite challenging— but I definitely embrace them just to deliver amazing stories about humanity, animals, our beautiful planet earth, and how all of these should co-exist with one another.” Mapanonood ang Amazing Earth tuwing Linggo pagkatapos ng 24 Oras Weekend sa GMA.

FANS NI MIGUEL  TANFELIX TODO-SUPORTA SA KANILANG IDOLO

NAPUNO ang sinehan ng SM Light Mall ng fans ni Kapuso actor Miguel Tanfelix para manood ng kaniyang latest horror movie under APT Entertainment na Banal. Kasama niya sa pelikula ang on-screen partner na si Bianca Umali. Nasulit ang block screening nila dahil personal na nagpasalamat si Miguel at nakinood na rin kasama sila.

Samantala, trending ang naging transformation ng karakter ni Miguel sa Sahaya. Mula kasi sa simple at medyo gusgusing ayos ni Ahmad ay nakapagbihis ito ng magarang polo at jeans. Marami ang natutuwa at nai-inspire sa karakter ni Miguel na kahit simple at laki sa kahirapan ay nag-susumikap ito na mapatunayan na kaya din niyang magtagumpay kahit hindi ito taga siyudad. Sey pa ni Nicole Garcia sa Youtube, “Amhad has a dream and he’s not only dreaming about it, he’s succeeding it. GO AMHAAD!!.”

JILLIAN WARD PANAY ANG PAGANDA

NEW hair color ang ibinida ni Kapuso teen star Jillian Ward sa kanyang Ins­tagram na umani ng maraming papuri mula sa fans. Dati kasing matingkad na brown ang kulay ng buhok ni Jillian pero ngayon para siguro sa magiging role niya sa upcoming series na Prima Donnas, pina-dark na niya ito. Isa si Jillian sa lead stars ng upcoming series kung saan makakasama niya rito sina Elijah Alejo, Sophia Pablo, Althea Ablan pati ang nagbabalik Kapuso na si Aiko Melendez.