DOF sa BOC SUGAR SMUGGLING BANTAYAN

INATASAN ni Finance Secretary Carlos Dominguez III ang Bureau of Customs (BOC) na tutukan ang posibleng pagpupuslit ng asukal sa bansa.

Ito ay kasunod ng mga ulat na ilang sugar traders ang pinapalitan ang kanilang inilalabas na produkto ng import volumes na mas mataas sa kanilang iniluluwas sa ibang bansa.

“The sugar price domestically is much higher than the world market price. So there is going to be an incentive for people to smuggle in sugar,” pahayag ni Dominguez sa executive committee (Execom) meeting ng Department of Finance (DOF) kamakailan.

Binanggit din ni Dominguez kay Customs Commissioner Rey Leonardo Guerrero sa naturang pagpupulong na may natanggap siyang mga report mula sa mga opisyal ng Bureau of Internal Revenue (BIR) sa Cebu hinggil sa isang kompanya na sangkot sa nasabing ‘modus’.

“Please keep an eye on those gaps,” sabi ni Dominguez kay Guerrero.

Sinabi naman ni BIR Deputy Commissioner Arnel Guballa na matagal na siyang nakikipag-ugnayan sa Sugar Regulatory Administration (SRA) upang matiyak na kumukuha ang mga negosyante ng clearance mula sa ahensiya para makapag-angkat ng asukal bilang pagtalima sa naunang direktiba ni Dominguez.

Samantala, iniulat ng BOC na mula January 1 hanggang June 14 ngayong taon ay umabot na sa PHP7.22 billion ang halaga ng pinaghihinalaang smuggled goods ang kanilang nakumpiska. Karamihan sa mga ito ay counterfeit items na nagkakahalaga ng PHP4.33 billion; cigarettes at iba pang  tobacco products na tinatayang nagkakahalaga ng  PHP1.13 billion; general merchandise, PHP863.23 million; at illegal drugs, PHP373.16 million.

Ang iba pang nakumpiskang produkto ay kinabibilangan ng agricultural products, vehicles and accessories, used clothing, electronics, firearms, alcoholic beverages, wildlife, medical supplies, jewelry, chemicals, currency at fuel.

Iniulat din ni Guerrero na may kabuuang 42 kasong kriminal ang isinampa ng BOC Action Team Against Smugglers (BATAS) laban sa 154 pinaghihinalaang smugglers sa Department of Justice (DOJ) at 32 kasong administratibo kontra brokers sa Professional Regulation Commission (PRC) mula January 1 hanggang June 11.

Related posts:

(Pinaigting ng DA, BOC) GIYERA VS AGRI PRODUCTS SMUGGLING (Sagot sa panawagan ni Sen. Imee Marcos)BOC PABOR SA ‘DEEPER PROBE’ SA SMUGGLING BIR-BOC KUMILOS VS SMUGGLING INFLATION TATAAS PA SA 5.3% NGAYONG HULYO – DOF P423-B TAX NAWALA SA GOV’T DAHIL SA SMUGGLING NOONG 2012-2016 P43 BILYON NAWAWALA SA GOV’T BAGONG POLISIYA NG BOC VS OIL SMUGGLING 34 WILDLIFE SPECIES NAHARANG SA NAIA