OPISYAL na inanunsiyo ng Miami Heat ang re-signing ni veteran guard Goran Dragic.
Hindi binanggit ng koponan ang terms, subalit iniulat ng The Athletic na ang deal ay para sa dalawang taon at $37.4 million na may team option para sa ikalawang taon.
“It was essential for us to bring Goran back,” wika ni Heat president Pat Riley sa isang news release.
“He is part of our team, part of our culture and part of our family. He provides backcourt veteran leadership and can still play at a very high level. I’m glad to have him back in the fold.”
Si Dragic, 34, ay may average na 16.2 points, 5.1 assists at 3.2 rebounds sa 59 games (three starts) noong nakaraang season.
May average siya na 19.1 points sa playoffs subalit nagtamo ng torn plantar fascia sa kaliwang paa sa Game 1 ng NBA Finals kontra Los Angeles Lakers.
Isang All-Star noong 2017-18 at NBA’s Most Improved Player noong 2013-14, si Dragic ay may career averages na 13.9 points, 4.8 assists at 3.1 rebounds sa 817 games (511 starts) sa Phoenix Suns, Houston Rockets at Heat.
Comments are closed.