TINAWAG ni Education Secretary Leonor Briones, na “bangungot” o “administrative nightmare” ang panukalang pagsasailalim sa drug test sa milyon-milyong estudyante.
Sinabi ni Briones na posibleng magkaroon ng implikasyon sa karapatang pantao at makaapekto sa mga estudyante ang panukalang isailalim sa drug test ang grade 4 pupils.
Nais ng DepEd na protektahan ang pagkakakilanlan ng mga bata.
Hindi umano dapat itong maging basehan ng expulsion o ng grades ng estudyante.
Ayon pa sa kalihim, gumagawa na ng mga hakbang ang kagawaran para pigilan ang paglaganap ng droga sa 14 milyong mag-aaral.
Kung madiskubreng may ugnayan sa droga ang mga estudyante, iginiit ni Briones na hindi ito dapat ilagay sa kanyang record at sa halip ay tulungan itong gamutin at protektahan.
Isinisulong ng Philippine Drug Enforcement Agency ang mandatory drug testing sa mga guro at mga estudyanteng nasa grade 4 pataas.
Giit naman ng DepEd, sa ilalim ng Dangerous Drugs Act ay mula estudyanteng nasa high school lamang pataas ang maaaring isailalim sa drug test.
Nauna nang inihayag ni PDEA Director General Aaron Aquino na pinag-aaralan pa lamang nila ang pag-sasagawa ng drug test kaya hindi dapat padalos-dalos ang mga nagkokomento rito.
Sa datos ng PDEA ay umaabot sa 182 menor de edad na nasa edad na 10 hanggang 17 na nagbebenta ng bawal na gamot ang kanilang na-rescue simula nang pumasok ang administrasyong Duterte.
Related posts:
SORPRESANG DRUG TEST SA HEALTH WORKERS SA CALABARZON
DRUG TEST SA MEDIA OK SA NPC
DRUG TEST SA MGA DRAYBER
DRUG TEST SA CHED OFFICIALS
DRUG TEST SA STUDES, TEACHERS TULOY-PDEA
CBCP OFFICIAL, PUMABOR SA MANDATORY DRUG TEST SA GRADE 4 PUPILS
PALASYO TUTOL SA DRUG TEST SA GRADE 4
DRUG TEST SA GRADE 4 STUDENTS, WALANG NILALABAG SA BATAS
Comments are closed.