DUQUE, NATURUKAN NA NG SINOVAC

NATURUKAN na rin ng bakuna kontra COVID-19 maging si Health Secretary Francisco Duque III.

Batay sa ulat, isinagawa ang pagbabakuna ng unang dose ng Sinovac vaccine kay Duque sa gym ng Department of Health (DOH) sa Maynila dakong 10:00 ng umaga ng Biyernes.

Dumaan muna ang kalihim sa screening process bago tuluyang bakunahan.

“As I receive my dose of the COVID-19 vaccine today, I invite everyone to do the same, and choose to be protected,” pahayag pa umano ni Duque, matapos mabakunahan.

“Let us all take part in protecting public health, and let us be in unison in spreading one message: that vaccines are safe, and vaccines are effective,” panawagan pa niya.

Si Duque, na isang senior citizen na, ay una na ring nagkaroon ng COVID-19 noon at kaagad din namang gumaling.
Isinagawa ang pagtuturok ng Sinovac sa kanya matapos na aprubahan na ang paggamit ng naturang bakuna para sa mga senior citizen.

Matatandaang si Duque sana ang unang tuturukan ng bakuna sa pagsisimula ng vaccination drive sa bansa noong Marso, ngunit hindi ito natuloy dahil dati ay inirerekomenda lamang ang Sinovac sa mga clinically healthy individuals na nagkakaedad ng 18 hanggang 59 taong gulang. Ana Rosario Hernandez

Related posts:

DUQUE, NA-EXPOSE SA COVID 19, NAG-HOME QUARANTINE DUQUE NEGATIVE SA COVID-19 PANAWAGANG MAGBITIW SI DUQUE IBINASURA NI DUTERTE DUTERTE TIWALA PA RIN KAY DUQUE TIWALA NI DIGONG KAY DUQUE MATATAG PA RIN