EL NIÑO NAGBABADYA

TINATAYANG  nasa  70 hanggang 80 porsiyento  ang posibilidad na magkaroon ng El Niño sa bansa ngayong taon.

Sa pahayag ng Pagasa, nakataas pa rin ang  El Niño watch ng ahensiya.

Sinabi ni  Pagasa Climate Monitoring Chief Analiza Solis, mula Setyembre noong nakaraang taon hanggang sa kalagitnaan ng Enero ay  ilang probinsya na sa Mindanao ang nakararanas ng dry spell partikular ang Zamboanga del Sur, Zamboanga Sibugay, Bukidnon, Basilan, Maguindanao at Sulu.

Nakararanas naman  ng tagtuyot ang  mga probinsiya ng Ilocos Norte, Lanao del Norte at Lanao del Sur.

Ang  dry spell ay nararanasan  kapag hindi  umuulan sa isang lugar sa loob ng tatlong magkakasunod na buwan at kapag tumagal na ito ng limang buwan, tinatawag na itong tagtuyot.

Kapag nagtuloy-tuloy ay  posibleng madagdagan pa ang mga lugar na apektado ng matinding tagtuyot pagpasok ng  buwan ng Abril. NENET VILLAFANIA