BULACAN-ISANG dating preso ang inaresto makaraang makumpiskahan ng baril, mga bala at shabu sa kanyang tirahan sa Barangay Bunsuran 3rd,Pandi lalawigang ito kamakalawa.
Base sa report ni P/Lt.Col. Jordan G.Santiago,Pandi police chief kay P/Col.Lawrence Cajipe,Bulacan police director, nakilala ang naarestong suspek na si Jeffrey Fuerte ng Barangay Bunsuran 3rd,Pandi matapos ihain ang search warrant ng pulisya sa bahay nito.
Nabatid na pasado alas-8 ng umaga kamakalawa nang ihain ang search warrant ng SDEU ng Pandi police sa supervision ni P/Lt.Col. Santiago sa tahanan ng kanilang target na si Fuerte sa paghahalughog sa bahay at nadiskubre ang isang caliber 38 revolver na kargado ng apat na bala,bukod pa sa 45 live ammunition para sa caliber 38 at 42 pakete ng shabu at itim na belt bag. MARIVIC RAGUDOS
Comments are closed.