SUSUPORTAHAN ng Pilipinas ang mga exporter sa layuning palakasin ang napag-iiwanang export sector nito, ayon sa Department of Trade and Industry (DTI).
Sinabi ni Trade Secretary Alfredo Pascual na inaprubahan ni Pangulong Ferdinand Marcos, Jr. ang Philippine Export Development Plan 2023 to 2028 sa isang pagpupulong sa Malacañang.
“This export development plan will capitalize on export growth opportunities, considering market trends and the available or existing competencies in the Philippines among our industries,” ani Pascual.
Paliwanag niya, ang export competitiveness ng bansa ay nakasalalay sa pagiging kumpetitibo ng mismong mga kompanya.
Layunin din, aniya, ng plano na gawing isang “agile export powerhouse” ang bansa.
Hindi tulad ng mga kapitbahay sa ASEAN, ang Pilipinas, sa pangkalahatan, ay nahuhuli pagdating sa exports, kung saan ang balance of trade nito ay kadalasang nagpapakita ng deficit.
Sa ulat ng Philippine Statistics Authority (PSA), ang trade deficit ng bansa noong Marso ay pumalo sa $4.93 billion.
Ang total export sales ay umabot sa $6.53 billion, mas mababa ng 9.1 percent kumpara sa kaparehong panahon noong nakaraang taon.
Samantala, ang total imports ay nagkakahalaga ng $11.46 billion sa parehong buwan.
Related posts:
(DTI sa e-commerce platforms) ‘FAKE’ PRODUCTS IPALIWANAG
DTI-LAGUNA CONDUCTS LIVELIHOOD SEEDING PROGRAM – NEGOSYO SERBISYO SA BARANGAY ORIENTATION IN SANTA MARIA, LAGUNA
(Tinutulan ng DTI) MAS MAHIGPIT NA RESTRICTIONS SA NEGOSYO
(Inilabas ng DTI) P5.2-B LOAN SA MALILIIT NA NEGOSYO
(Tiniyak ng DTI) GRANULAR LOCKDOWNS WALANG EPEKTO SA NEGOSYO
(Tiniyak ng DTI) SUPORTA SA EXPORT INDUSTRY
(Kahit may pandemya) MGA BAGONG NEGOSYO LUMOBO
(Kailangan pa rin sa Alert Level 1) SAFETY SEAL SA MGA NEGOSYO