EXTRA INGAT SA MGA OFW SA LIBYA IPINAALALA

PASAY CITY – PUSPUSANG pag-iingat ang ipinayo ng Department of Foreign Affairs (DFA) sa mga overseas Filipino worker (OFW) na nakabase sa Libya.

Ito ay kasunod ng atas ng Presidential Council ang paglapit ng government forces sa Tripoli na isang senyales na maaaring sumiklab ang labanan doon.

Pinayuhan na rin gg Philippine Embassy sa Libya  ANG  Filipino communities na maging mapagbantay upang maiwasan ang  anomang kapahamakan.

Tiniyak naman ng DFA na  patuloy ang mo­nitoring ng embahada sa nasabing bansa  kasunod ng deklarasyon ng state of emergency dahil pagkilos ng militar doon.

Batay sa  record, mayroon nang labanan sa labas ng Tripoli habang naitala na  rin ang troop movement sa labas ng capital ng Libya.

Una nang ipinag-utos ni Eastern Libyan Commander Khalifa Haftar sa kanyang kawal na lumapit sa Tripoli at pinangangambahan na lumala ang gulo kaya naman pinayuhan ang mga overseas Filipino workers doon na mag-ingat at huwag sasali sa gulo. GELO BAINO