FACE MASK, FACE SHIELD AT GLOVES ISUOT KAPAG MAGPAPAKAIN NG ASO

AKLAN – IPINAG-UTOS ng Office of the Provincial Veterinarian (Opvet) sa mga residente ng Kalibo na magsuot ng face masks, face shield at gloves kapag magpapakain ng kanilang alagang aso o pusa dahil sa banta ng Delta variant ng COVID-19.

Ayon kay Dr. Ronald Lorenzo, isang veterinarian at pet welfare advocate, may natanggap silang ulat na ilang owners ng aso sa kanilang lugar ang nagkaroon ng COVID-19 at kinailangan manatili sa quarantine facility habang naiwan ang mga hayop sa loob ng dalawang linggo.

Upang hindi na maulit ang ganoong senaryo, dapat na aniyang magsuot ng personal protective equipment (PPE) ang owners sakaling magpapakain ng alaga para iwas sa hawahan.

“Especially if the pets are going around the community, the pets may catch the virus and bring it to our own homes. We must be vigilant and careful,” sabi ni Lorenzo.

Sinabi naman ni Mabel Sinel, chief ng Opvet-Aklan, na nanawagan sila para maging responsible pet ownership na sakaling madala sa quarantine facility ay ihabilin ang mga alagang aso nang hindi na gumala.

Related posts:

MGA ESTUDYANTE PINAGSUOT NG FACE MASK DAHIL SA HAZE 5 CHINESE VENDORS NAGTINDA NG OVERPRICED FACE MASK TIKLO FACE MASK GAMIT NA SA KRIMEN, MAG-INA NAGNAKAW NPA OFFICIAL TIMBOG SA FACE MASK FACE MASK MASS WEDDING KAHIT MAY PANDEMIC FACE MASK, FACE SHIELD SA MAGSASAKA AT MANGINGISDA