FILIPINO NURSE NA-HIT AND RUN SA TEXAS

PILIPINO Mirror
Hit and run

USA – NAGPAPATULOY ang imbestigasyon ng pulisya sa Garland City, Texas, USA sa pagkamatay ng isang nurse na tubong Benguet.

Nakilala ang biktima ng hit and run na si Joyce Cawis, 46, ng Tomay, La Trinidad, Benguet kung saan may dalawa itong anak at nagtatrabaho bilang nurse sa isang ospital sa Garland City.

Batay sa report, patungo sana ang biktima sa kanyang trabaho lulan ng kanyang sasakyan nang mabunggo ito ng isang quadcab pickup.

Nakita sa video footage ng CCTV camera na mabilis ang takbo ng nasabing pickup bago bumunggo sa biktima.

Nakita rin ang pagtakas ng driver ng pickup sa pamamagitan ng paglulan nito sa ibang sasakyan.

Dinala ang biktima sa ospital kung saan siya nagtatrabaho para sa medical treatment ngunit pumanaw rin ito.

Patuloy na inaalam ngayon ng awtoridad ang pagkakakilanlan ng driver ng pickup na suspek sa kaso.

Nakatakda namang magbigay ng $5,000 ang grupong Crime Stoppers sa sinumang makapag-bibigay ng impormasyon na magreresulta sa pagkahuli ng suspek. PILIPINO MIRROR REPORTORIAL TEAM

Related posts:

texas1 PANG PINAY SA PINATAY NG MISTER NA DJ Default ThumbnailOFWs TODO INGAT VS SANDSTORM Default ThumbnailOFW WAGI SA DANCE COMPETITION Default ThumbnailOFWs MGA PINOY SA ISRAEL PINAG-IINGAT VS KILOS PROTESTA Default ThumbnailSKILLED AT PROFESSIONAL OFWs SA KUWAIT ‘DI NA OBLIGADONG UMUWI Default ThumbnailLABI NG OFW NA NATAGPUAN SA SEPTIC TANK IUUWI NA dead36-ANYOS NA OFW PATAY SA SLOVAKIA SA PAGTATANGGOL SA 2 BABAE lebanonHUSTISYA SIGAW NG PAMILYA NG OFW NA NAHULOG SA GUSALI SA LEBANON

Comments are closed.