FINAL 4 CAST KINUMPLETO NG BOLTS

KINUMPLETO ng second-ranked Meralco ang 2021 PBA Philippine Cup Final Four makaraang pataubin ang NLEX, 97-86, kagabi sa Don Honorio Ventura State U Gym sa Bacolor, Pampanga.

Naungusan sa dikit na laro noong Miyerkoles, nagdoble kayod ang Bolts para makapagtarak ng komportableng kalamangan sa pagkakataong ito at nakumpleto ang panalo upang umusad sa best-of-seven semifinals la-ban sa No. 3 Magnolia.

Ang isa pang semis pairing ay ang  duelo sa pagitan ng top seed TNT Tropang Giga at ng No. 4 San Miguel Beer.

Nagbuhos si Chris Newsome ng 23 points, 9 rebounds at 6 assists, kumana sina Cliff Hodge at Anjo Caram ng tig-16 points habang nagdagdag si Reynel Hugnatan ng 11 upang pangunahan ang Bolts sa ikalawang sunod na semis stint sa all-Filipino tourney.

Nag-ambag din ang iba pa sa Meralco crew upang masiguro ng koponan ang pagmartsa sa susunod na round.

Sinamahan ng NLEX ang Blackwater, Alaska Milk, Terrafirma, Phoenix Super LPG, Barangay Ginebra, North-Port at  Rain or Shine sa pagkakasibak.

Makaraang malamangan ng  18 points sa  third ay sinikap ng Road Warriors na makahabol ngunit sadyang malakas ang Bolts.

Inalat din si Calvin Oftana na hindi na nakaiskor makaraang tumirada ng 14 sa first half.

Nagpakawala si Don Trollano ng tatlong tres at tumipa ng 19 points upang pangunahan ang Road Warriors. CLYDE MARIANO

Iskor:

Meralco (97) – Newsome 23, Hodge 16, Caram 16, Hugnatan 11, Quinto 9, Maliksi 8, Belo 7, Pinto 5, Almazan 2, Jackson 0, Jose 0, Pasaol 0, Baclao 0, Jamito 0.

NLEX (86) – Trollano 19, Oftana 14, Quinahan 13, Cruz 11, Alas 10, Semerad 8, Soyud 4, Paniamogan 3, Miranda 2, Ighalo 2, Porter 0, Ayonayon 0, McAloney 0, Galanza 0.

QS: 22-21, 46-35, 68-60, 97-86.

Related posts:

BOLTS NAG-INIT BOLTS NAG-INIT BACK-TO-BACK WINS SA BOLTS TOP 4 TARGET NG BOLTS, ‘TROPA’ BOLTS SA SEMIS HOTSHOTS NAKAUNA GIN KINGS VS BOLTS SA FINALS? GAME 3: KINGS, BOLTS BABASAGIN ANG PAGTATABLA