FRONTLINERS,SENIORS PRAYORIDAD SA BAKUNA

PRAYORIDAD ni Marikina City Mayor Marcelino “Marcy” Teodoro na mabakunahan muna ang frontli­ners at senior citizens sa Marikina.

Ayon kay Teodoro , hindi pa siya interesadong mabakunahan laban sa COVID-19 dahil ang kanyang tinututukan sa ngayon ay ang mga frontliner at vulnerable sectors ng lungsod.

Matatandaan na nagpahayag ng kagustuhan na magboluntaryong magpabakuna noon si Teodoro pero hindi umano siya pinayagan ng Inter Agency Task Force at ng Department of Health (DOH) dahil uunahin muna umano ang frontliners at senior citizens.

Samantala,maging sina Mandaluyong City Mayor Carmelita “Mechie” Abalos ay wala pang schedule kung kailan babakunahan habang si San Juan City Ma­yor Francis Zamora ay nagsabing mag-iisyu na lang ito ng media advisory kung kaila siya magpapabakuna dahil hinihintay pa umano nito ang guidelines mula sa tanggapang ng DOH.

Wala namang tugon si Pasig City Mayor Vico Sotto kung kailan siya magpapabakuna laban sa COVID-19.

Gayunpaman, nitong Easter Sunday ay nabakunahan na si Manila Mayor Isko Moreno ng Sinovac.

Nauna nang inaprubahan ni Pangulong Rodrigo Duterte ang pagpapabakuna sa mga Mayor na ang kanilang lungsod at bayan ay nasa high-risk ng COVID-19. ELMA MORALES

Related posts:

FRONTLINERS PUWEDENG MAG-STAY SA SIMBAHAN -CBCP GULAY HANDOG NG MGA SUNDALO SA FRONTLINERS 5K HEALTH WORKERS,  FRONTLINERS NASERBISYUHAN SA FREE RIDE NG PNP (Kikilalanin ngayong Araw ng Kagitingan) FRONTLINERS MAKABAGONG BAYANI (Mga bully at mananakit sa frontliners dadakipin) INTEL IKINALAT PARA PROTEKSIYONAN ANG HEALTH WORKERS FRONTLINERS IKINUMPARA KAY RIZAL 233 FRONTLINERS SA VALENZUELA MAY COVID-19 ANGKAS PUWEDE SA FRONTLINERS