FUEL MASTERS NAG-INIT

Mga laro ngayon:

(Araneta Coliseum)

4:30 p.m. – Magnolia vs NorthPort

6:45 p.m. – NLEX vs San Miguel

TINAMBAKAN ng Phoenix ang TNT KaTropa, 112-82, upang makabalik sa porma sa PBA Governors’ Cup kagabi sa Ara­neta Coliseum.

Hindi maawat ang Fuel Masters kapuwa sa opensa at depensa at pinatahimik ang Texters sa pamamagitan ng 26-0 run upang umabante sa 61-23 sa three-point shot ni RJ Jazul, may 2:33 ang nalalabi sa second quarter.

Sa nasabing run ay hindi nakaiskor ang  TNT sa loob ng halos pitong minuto.

Sa panalo ay umakyat ang Fuel Masters sa 3-1 kartada upang makatabla ang NLEX sa ikaapat na puwesto, habang bu­magsak ang Texters sa ika-7 na may 1-4 record.

Tumipa si Jason Perkins ng 22 points at nagdagdag si Matthew Wright ng 16.

Na-ourebound ng Fuel Masters ang Texters, 74-49.

Iskor:

Phoenix (112) – Perkins 22, Wright 16, Phelps 15, Jazul 13, Abueva 12, Eriobu 9, Chua 8, Revilla 6, Mendoza 6, Intal 3, Wilson 2, Gamboa 0.

TNT (82)  – Tamsi 14, Davis 13, Cruz 12, Garcia 11, Carey 8, Semerad 7, Pogoy 7, Rosario 5, Reyes 3, Castro 2, Golla 0, Paredes 0, Williams 0, Saitanan 0.

QS: 29-17, 61-31, 85-56, 112-82.