DUMULOG sa lokal na pamahalaan ng Parañaque ang isang pampublikong eskuwelahan upang humingi ng donasyon na gadgets para sa blended learning methods ng mga estudyante sa pagbubukas ng klase ngayong school year 2020-2021.
Ang kampanya ng Parañaque National High School (PNHS) sa donasyon na gadget na may temang “Gadget ko, Tulay sa Future mo” na gagamitin ng mga estudyante bunsod na rin sa pagbabawal ng face-to-face na pagtuturo ng mga guro dahil sa nararanasang pandemya sa buong mundo na dulot ng COVID-19.
Base sa Facebook Page ng PNHS, nagkaroon ng survey sa naturang social media outlet kung saan napag-alaman na 628 estudyante ang walang cellphones.
Gayundin, humihingi rin ng tulong sa PNHS alumni o kahit na sinuman na maaring makapag-donate sa kanila ng cellphones, tablets o laptops para sa gagamitin ng mga estudyante sa darating na pasukan.
Paliwanag pa ng naturang eskwelahan, tatanggapin nila luma man o bago ang cellphones ngunit kung maaari ay android phone ang mga ito na may minimum na 1GB RAM at expandable memory.
Sinabi pa ng PNHS, mamimigay din ang lokal na pamahalaan ng buwanang allowance na P500 sa lahat ng estudyante sa public schools para pambili ng load sa cellphones. MARIVIC FERNANDEZ
Related posts:
80 PINOY CREW NG MV DIAMOND PRINCESS POSITIBO SA COVID-19
85 OFWs NA DINAPUAN NG 2019 CORONAVIRUS DISEASE
PINOY KASAMA SA ‘LUMAYA’ SA CRUISE SHIP QUARANTINE
REPATS NG 140 PINOY MULA MACAU SA MARSO 11 NA
NCRPO AT DOH NAGSANIB PUWERSA VS COVID-19
4 METRO COPS TINAMAAN NG COVID-19
(PNP, LGUs pinagbabantay ng DILG) STUDES BAWAL MUNA GUMALA
(Paghalik sa imahen bawal, mga may sakit sa bahay na lang mag-novena) NAGSISIMBA SA BACLARAN NUMIPIS NG 25%
Comments are closed.