GILAS BALIK SA TRAINING CAMP SA CALAMBA

BABALIK ang Gilas Pilipinas sa Inspire Sports Academy sa Calamba, Laguna para sa isa pang training camp sa Lunes.

Ang koponan ay inaasahang pangungunahan ng full-time national team players na pinili ng Samahang Basketbol ng Pilipinas (SBP) mula sa 2019 at 2021 PBA Rookie Draft.

Kinabibilangan ang mga ito nina Isaac Go, Matt, Mike Nieto, at Rey Suerte mula sa  2019 batch; at William Navarro, Jaydee Tungcab, Jordan Heading, at  Tzaddy Rangel mula sa 2021 draft.

Ang national team ay naghahanda para sa FIBA Asia Cup 2021 qualifiers na gaganapin sa  Hunyo 16-20 sa Clark, Pampanga, gayundin sa FIBA Olympic Qualifying Tournament sa Belgrade, Serbia mula Hunyo 29-Hulyo  4.

Inaasahan din ang paglahok sa camp ng ilang amateurs, kabilang sina Dwight Ramos, Justine Baltazar, Javi Gomez de Liano, at Dave Ildefonso, na pawang naglaro para sa Gilas nang sumabak ito sa third FIBA Asia Cup qualifying window sa Bahrain noong nakaraang Nobyembre. l

Nakatakda ring dumalo sa camp si Ateneo center Ange Kouame, na malapit nang matamo ang naturalization.

Naunang nagsagawa ng training camp ang Gilas Pilipinas sa Inspire facility noong Enero bilang paghahanda sa FIBA Asia Cup qualifiers, subalit lumabas ito nang iurong ang torneo.

Related posts:

GILAS MINASAKER ANG CONGO NAKAKAWALA NA RIN SA SUMPA IBA ANG MAY ALAM PBA BUKAS ANG PINTUAN SA GILAS PILIPINAS GILAS PILIPINAS WOMEN UMANGAT SA FIBA RANKINGS THIRDY PALALAKASIN ANG GILAS SA FEBRUARY QUALIFIERS PBA PLAYERS SA 30-MAN GILAS POOL GILAS SISIMULAN NA ANG TITLE-RETENTION CAMPAIGN VS THAILAND