NAVOTAS CITY – SA kulungan bumagsak ang isang ginang na tulak umano ng ilegal na droga matapos makumpiskahan ng mahigit sa P178,000 halaga ng shabu makaraang maaresto sa buy bust operation ng mga pulis, kahapon ng umaga.
Kinilala ni Navotas Police Chief P/Col. Rolando Balasabas ang naarestong suspek na si Annaliza Prada, 38, ng Blk. 4 Damata, Letre, Malabon City.
Sa report ni Col. Balasabas kay Northern Police District (NPD) Director PBGen Ronaldo Ylagan, alas-11:30 ng umaga nang isagawa ng mga operatiba ng Station Drug Enforcement Unit (SDEU) sa pangunguna ni PLt Charlie SJ Bontigao ang buy bust operation kontra sa suspek sa Market 3, Brgy. NBBN, Navotas sa koordinasyon sa PDEA makaraan ang surveillance operation.
Matapos tanggapin ng suspek ang P300 marked money mula sa isang pulis na umaktong poseur buyer kapalit ng isang sachet ng shabu ay agad itong sinunggaban ng mga operatiba.
Nang kapkapan, nakumpiska sa suspek ang isang coin purse na naglalaman ng 43 plastis sachets ng shabu na tumitimbang ng humigit kumulang sa 26.2 gramo at may standard drug price na P178,160, buy bust money at P400 bill. EVELYN GARCIA
