PARAÑAQUE CITY – ISANG grade 12 na estudyante ang inaresto ng pinagsanib na puwersa ng Philippine Drug Enforcement Agency (PDEA) at miyembro ng Station Drug Enforcement Unit ng Parañaque City police matapos na ito ay makuhanan ng may 26 gramo ng marijuana kush na nagkakahalaga ng P31,200 sa buy bust operation.
Ang suspek na isang 17-anyos, at naninirahan sa Barangay San Marcelo Green, Paranaque City ay kasalukuyang nakakulong sa Bahay Pag-asa.
Ang suspek ay nahaharap sa kasong Sec. 5 and 11 of Art II of RA 9165.
Ayon sa pulisya ang suspek ay naaresto dakong 1:00 ng madaling araw sa Peach St., Barangay Marcelo Green, Parañaque City. Sinabi ng Parañaque City police na bago maaresto ang suspek ay nakipag-coordinate sa kanila ang mga miyembro ng PDEA hinggil sa gagawing buy bust operation laban sa suspek na nakatala sa kanila na ito ay nagbebenta ng marijuana kush.
Nakuha mula sa suspek ang 12 pirasong maliit na transparent plastic zip lock na naglalaman ng marijuana kush na may 26 gramo at nagkakalahalaga ng P31,200. MARIVIC FERNANDEZ
Related posts:
4 DRUG DEALERS ARESTADO SA P2.4-M MARIJUANA
7 TINEDYER NASAKOTE SA P3-M MARIJUANA
P340K MARIJUANA NASAMSAM SA 2 TULAK
ESTUDYANTE AT KA-LIVE-IN TIMBOG SA BUY BUST
UMAK STUDE NAKUMPISKAHAN NG ‘DAMO’
(3 kelot sa online buy and sell tiklo) BENTAHAN NG MARIJUANA BUKING SA GROUP CHAT
P60K MARIJUANA NASABAT SA TULAK
3 ARESTADO SA MARIJUANA
Comments are closed.