NEGROS OCCIDENTAL-PAREHONG inabot ng kanilang dagliang kamatayan ang isang guro at isang nurse na magka-angkas sa motorsiklo nang magulungan ng kasabay na 14 wheeler truck habang papasok sa kanilang pinag-tatrabahuhan kamakalawa ng hapon sa Cadiz City ng lalawigang ito.
Ayon sa report ng Cadiz City Police Station, kinilala ang mga nasawi na sina John Paul Ladrillo, 30-anyos, nurse ng Cadiz District Hospital at ang backride nitong si John Eurich Depasupil, guro sa Vicente Patricio Memorial Elementary School sa Barangay Magsaysay, Cadiz City
Kasalukuyang nakaditine naman sa Cadiz City Police Station ang driver ng 14-wheeler truck na may kargang mga tubo na si Mario Bendevel ng Barangay Malasibog, Escalante City.
Sa inisyal na pagsisiyasat, kapwa binabagtas ng truck at ng motorsiklo ang daan pa-south direction nang tangkaing mag-overtake ng mga biktima sa kanang bahagi ng truck.
Subalit, dahil kasalukuyan umanong sumasailalim sa road repair ang daan sa lugar, nawalan ng kontrol si Ladrillo kaya’t natumba sila at nagulungan pa ng kasabay na truck.
Dead on the spot ang angkas na si Depasupil habang namatay naman habang nilalapatan ng lunas si Ladrillo. VERLIN RUIZ
Related posts:
GURO SA UNIBERSIDAD TUMALON SA VAN
BUS VS. TRUCK, 1 NAPURUHAN, 16 SUGATAN
TRUCK SINISI SA PAGKAMATAY NG DRIVER AT PAGKASUGAT NG LIMA
BIKE VS TRAK: 2 APO, LOLO BULAGTA
(Driver minalas, 3 pa sugatan) TRUCK BUMALIGTAD DAHIL SA ASHFALL
BIKE VS TRAK: 2 MAGSASAKA TUMBA
MAG-INA NADALE NG 10-WHEELER TRUCK
INARARO NG TRUCK: 3 PATAY, 2 SUGATAN
Comments are closed.