CAMP CRAME- EPEKTIBO na rin ang suspension of offensive police operations (SOPO) laban sa Communist Party of the Philippines-New People’s Army-National Democratic of the Philippines (CPP-NPA-NDF) ng Philippine National Police mula hatinggabi noong Marso 18, hanggang Abril 15.
Sinabi ni PNP Chief PGen. Archie Francisco Gamboa na ito ay bilang pagsunod sa idineklarang unilateral ceasefire ni Pangulong Rodrigo Duterte sa pagitan ng CPP-NPA – NDF
Aniya, lahat ng national, regional, provincial at district police maneuver units na may kinalaman sa internal security operations ay inilagay sa “defensive posture” at “disaster response at public safety mode”.
Magagamit na aniya ngayon ang mga unit na ito sa pag-alalay sa publiko kaugnay sa ipinatutupad na Enhanced Community Quarantine (ECQ) sa buong Luzon laban sa COVID 19.
Subalit, inabisuhan ni Gamboa ang mga pulis na manatiling mapagbantay sa posibleng pag-atake ng mga “armed threat groups” at gamitin ang “appropriate police response” bilang pangontra dito, alinsunod sa Police operational procedures.
Istrikto aniyang imomonitor ng PNP Command Center ang pagtupad ng mga police units sa SOPO. REA SARMIENTO/VERLIN RUIZ
Related posts:
163K PULIS MAGBABANTAY SA BSK ELECTIONS
800 PULIS PUMOSTE SA SC HALL PARA ISEKYUR ANG MGA RALIYISTA
P6-B PARA SA MGA KOMANDER NG PULIS
HEPE NG PULIS NA MISSING IN ACTION SINIBAK
674 PULIS INASUNTO VS HR VIOLATIONS
PULIS KULONG SA PANUNUTOK NG BOGA SA LOLO
BEBOT KALABOSO SA PANUNUHOL SA PULIS
PULIS-MAKATI UMAYAW SA SUHOL