HALIMBAWA NI HESUKRISTO SUNDAN

PILIPINO Mirror
quiapo

Hinimok kahapon ni Rev. Fr. Edward Jayson San Diego ang mga deboto ng Poong Hesus Nazareno na sundan ang halimbawa ni Hesukristo araw-araw.

Sa ginanap na Banal na Misa  sa Quiapo   kasabay ng kapistahan ng  Nazareno, binigyang-diin ni Fr. San Diego na ang pananampalataya sa Diyos ay hindi lamang umiikot sa debosyon at mga panata.

Kalakip aniya nito ang pagsunod sa turo ng Diyos, at sa halimbawa ni Hesukristo noong siya ay nabubuhay pa sa mundo. Kung ano ang itinuturo ng Diyos ay siya rin sanang panindigan ng bawat deboto, at gawin o isabuhay araw-araw.

Hindi lamang aniya dapat ang personal na kagustuhan ang sundin kundi isaalang alang din ang mga tagubilin ng Diyos, kahit pa maisakripisyo ang personal na kagustuhan.

Samantala, tinulak na ang andas ng Nazareno patungo sa ilan pang mga kalye sa Maynila matapos maputol  ang mga lubid na humihila rito.

Unang naputol ang lubid dakong umaga  nang tumawid ang andas sa Finance Road patungo sa Ayala Boulevard.

 Sumunod naman ay nang dumaan ito sa San Sebastian para sa tradisyunal na “dungaw” bandang 5:48 ng hapon.

Related posts:

nazarenoMENSAHE SA MGA DEBOTO: MAGPASALAMAT KAY NAZARENO Deboto(Sa idinaos na Traslacion) REKLAMO NG MGA DEBOTO IIMBESTIGAHAN nazarenoMGA DEBOTO NG ITIM NA NAZARENO PINAYUHANG MANATILI NA LAMANG SA TAHANAN Broderick PabilloHOMILY SA PISTA NG NAZARENO: ‘WAG MABAHALA SA PANDEMYA MGA KANDIDATO BINALAAN SA PAGGAMIT SA TRASLACION RUTA NG TRASLACION GAGAWING TRADISYONAL BLACK NAZARENE DEVOTEES HINILING SUMUNOD SA ALITUNTUNIN NG SIMBAHAN AT NG PNP AFP MAGPAPAKALAT NG MGA SUNDALO SA TRASLACION