(Hanggang Agosto 31) TRAVEL BAN SA 10 BANSA PINALAWIG PA

PINALAWIG ng Pilipinas ang restrictions nito sa mga biyahero mula sa 10 bansa ng 15 pang araw upang mapigilan ang pagkalat ng COVID-19 Delta variant.

Ayon kay Inter-Agency Task Force spokesperson Harry Roque, ang travel ban sa India, Pakistan, Bangladesh, Sri Lanka, Nepal, United Arab Emirates, Oman, Thailand, Malaysia at Indonesia ay iiral hanggang Agosto 31.

Ang ban ay magtatapos na sana noong Hulyo 31, subalit ilang beses itong pinalawig  ng pamahalaan.

Hanggang kahapon ay may 627 kaso na ng Delta variant ang naitala sa bansa matapos madagdag ang 177 bagong kaso.

Sa mga bagong kaso, 154 ang local cases, tatlo ang returning overseas Filipinos, at 30 iba pa ang bineberipika.

Nasa 90 sa 144 local cases ng Delta variant sa bansa ang may address sa Metro Manila, 25 sa Calabarzon, 16 sa Cagayan Valley, 8 Ilocos Region, tig-2 sa Cordillera Administrative Region at Western Visayas, at 1 sa Davao Region.

Related posts:

(Inirekomenda ng DFA chief) TRAVEL BAN SA INDIA (Para mapigilan ang pagpasok ng COVID-19 variant na unang na-detect sa India) TRAVEL BAN SA 4 PANG BANSA (Tiniyak ng OWWA) SUPORTA SA OFWS NA APEKTADO NG TRAVEL BAN (Hanggang Hunyo 15) TRAVEL BAN SA 7 BANSA PINALAWIG (Pinag-aaralan ng mga eksperto) TRAVEL BAN SA INDONESIA (Pinag-aaralan ng IATF) TRAVEL BAN SA INDONESIA, MALAYSIA (Hanggang Hulyo 31)  TRAVEL BAN SA 7 BANSA PINALAWIG PA (Pinag-aaralan ng DOH) TRAVEL BAN SA MALAYSIA, THAILAND