BAGO pa man dumating ang Mother’s Day (May 13, 2018) ay nag-post ang Kapuso actress na si Heart 
Evangelista na buntis na siya. Sa litratong pinost ni Heart sa kanyang social account ay yakap-yakap niya ang mister na si Sen.Chiz Escudero habang hawak-hawak niya ang isang damit na pambata.
“The greatest of blessings all in God’s perfect timing! Our beautiful family just got a little bigger. We can’t wait to meet you little one…@iamhearte” saad ni Heart sa kanyang social media account.
Mas napaaga pa ang expectation ng mag-asawa. Kamakailan lang kasi na nagsalita si Heart na pansamantalang ‘di na muna siya gagawa ng anumang project na may kaugnayan sa kanyang showbiz karir para makabuo sila ng isang anak ng mister. Kabilang sa paghahanda ni Heart sa parating na ‘angel’ sa kanilang buhay ay ang pagpapagawa na rin ng isang kuwarto sa kanilang magiging baby, kasabay ng pagpapatayo ng bagong tahanan. Congrats Mr. and Mrs. Escudero!
SUPERSTAR NORA AUNOR PUMIRMA NG KONTRATA SA GMA 7
PUMIRMA na ng program contract ang nag-iisang Superstar na si Nora Aunor sa GMA Network. Masaya si La Aunor sa pagiging bahagi niya ng isang kuwentong kakaiba at malapit sa kanyang puso. Tungkol ang upcoming primetime series sa ibang klaseng pagmamahal ng isang ina sa kanyang dalawang anak at ipinagmamalaki ng Superstar ang kahusayan ng kanyang co-stars.
Ang isa pang bagong Kapuso na si Jo Berry ay nagpakitang gilas sa pag-arte at kitang-kita ito ni La Aunor kaya excited na siyang mapanood ito ng Kapuso viewers.
HOT NA HOT SI DERRICK MONASTERIO
DUMAGDAG sa napakainit na summer season ang pinakabagong billboard ni Derrick Monasterio para sa isang sikat na clothing line. Matatagpuan ito sa EDSA kung saan kita ang six-pack abs ng tinaguriang Primetime Prince ng isang entertainment magazine. Wala pa mang ilang araw bago itayo ito, maraming fans na ng Kapuso actor ang nag-post nito at naglagay ng caption ng paghanga para kay Derrick.
But wait, there’s more, kung pinagpipistahan ngayon ang hotness ni Derrick sa Billboard, malamang panalo na naman ang kanyang followers dahilan sa ngayon pa lang ay kaabang-abang na rin ang pagpapa-sexy ni Derrick sa bago nilang teleserye ni Barbie Forteza na “Inday Will Always Love You” at siyempre pa sa nalalapit na concert niya kasama ang mga young hunks din na sina Jak Roberto, Rocco Nacino at Dave Bornea with Super Tekla and Donita Nose sa Mayo 18, ang “Oh Boy Oh Lol” sa Music Museum.
Comments are closed.