MAGSISILBING special guest si reigning International Boxing Federation (IBF) super-flyweight champion Jerwin Ancajas sa session ng Philippine Sportswriters Association (PSA) Forum ngayon sa Amelie Hotel-Manila.
Si Ancajas ay sasamahan ni trainer-manager Joven Jimenez at magbibigay ng update hinggil sa kanyang susunod na pagdepensa sa kanyang 115-lbs title. Napanatili ng tubong Panabo, Davao del Norte ang kanyang korona noong nakaraang Mayo kasunod ng seventh-round knockout kay Ryuichi Funai sa Stockton, California.
Makakasama ng IBF champion sa session na handog ng San Miguel Corp., Braska Restaurant, Amelie Hotel, at ng Philippine Amusement and Gaming Corporation (PAGCOR) ang mga opisyal at miymbro ng Philippine Floorball Clubs Association.
Pangungunahan ni president Ralph Ramos ang mga panauhin mula sa floorball federation, kasama sina coach Noel Alm Johansson, player Ryan Hallden, at team manager Peter Eriksson.
Hinihikayat ang mga miyembro na dumalo sa 10:00 a.m. session.
