(Ikinasa ng DOLE ngayong araw) EMPLOYMENT, LIVELIHOOD CARAVAN

DAAN-DAANG displaced workers at unemployed sa lalawigan ng Ilocos Norte ang magkakasama-sama ngayong araw sa isang employment at livelihood caravan na isasagawa ng Department of Labor and Employment (DOLE), sa pakikipagtulungan ng iba pang ahensiya ng pamahalaan.

Inaasahang dadaluhan ni DOLE Secretary Silvestre H. Bello III ang okasyon na tatampukan ng iba’t ibang programa at serbisyo na isinasagawa ng ahensiya para tulungan ang mga Ilocano na makarekober mula sa pandemya.

Ang caravan ay inaasahan ding makapagbibigay ng public awareness sa blueprint ng pamahalaan na magkaloob ng trabaho, business opportunities at livelihood sa milyon-milyong Pilipino sa buong bansa.

Sa ilalim ng blueprint,  ang mga trabaho ay magmumula sa key employment generating sectors (KEGS), tulad ng manufacturing, food processing, construction, tourism, Information Technology-Business Process Management (IT-BPM), transportation and logistics, at  retail trade.

Ayon kay Anne Marie Lizette B. Atuan, manager ng Provincial Public Employment Service Office, hindi bababa sa 300 indibidwal ang makikinabang sa employment at livelihood assistance program ng DOLE.

“These include the recently-hired additional contact tracers in the province as their salaries will be shouldered by the DOLE under the so-called ‘Tulong Panghanapbuhay sa Ating Disadvantaged/Displaced Workers’ or TUPAD,” aniya. PNA

Related posts:

RECRUITERS PARA KAY SEC. BELLO .5 MILLION WORKERS MAREREGULAR NA – DOLE P10-M PARA SA ‘USMAN’ AID ALOK SA LABOR DAY FAIR: 200K LOCAL, OVERSEAS JOBS P.1-M MULTA SA ILLEGAL WORKERS DOLE KULANG SA LABOR INSPECTORS FIXED SALARY SA BUS DRIVERS WORK PERMITS NG POGO WORKERS SINISILIP NG DOLE