IMPORT BAN SA PH CHICKEN INALIS NA NG SOUTH KOREA

INALIS na ng South Korea ang suspensiyon sa pagpasok ng poultry at pet birds mula sa Pilipinas, ayon sa Department of Agriculture (DA).

Sinabi ni Agriculture Attache in Korea Maria Alilia Maghirang na ang suspensiyon ay inalis ng Ministry of Agriculture, Food, and Rural Affairs (MAFRA) epektibo Agosto 6, 2021.

“We are pleased to inform the good Secretary that the Philippines can already export live birds (other than poultry) to South Korea,” wika ni Maghirang sa isang liham kay Agriculture Secretary William Dar na ipinadaan kay Undersecretary Fermin Adriano.

“Post expects Philippine chicken meat export may commence upon approval of the poultry establishments,” dagdag pa ni Maghirang.

Nakipag-ugnayan na rin ang Philippine Agriculture Office sa Seoul sa Bureau of Animal Industry (BAI) at sa National Meat Inspection upang tumalima sa mga kahingian ng Animal and Plant Quarantine Agency (APQA).

Magugunitang sinuspinde ng Korea ang pagpasok ng poultry at pet birds mula sa Pilipinas kasunod ng H5 avian influenza (HPAI) outbreak sa bansa.

Noong Enero ay sinabi ng  DA na idineklara nang avian influenza-free ang bansa ng World Organization for Animal Health (OIE) makaraang matapos na ang outbreaks sa Pampanga at Rizal.

Related posts:

IMBAK NA MANOK DUMAMI FARM GATE PRICE NG  LIVE CHICKEN SUMIPA BOC TODO ALERTO SA CHICKEN NG BRAZIL, MAY COVID-19? AN EGG-CITING STORY OF AN EX-OFW: IF CHICKEN DO IT, SO CAN YOU OKRA NG PH PASOK SA SOUTH KOREA USAPANG HANDAAN NA NAUWI SA PANGKABUHAYAN FREE TRADE DEAL NILAGDAAN NG PH, SOUTH KOREA (Inaasahan ng PEZA) INVESTMENTS PA MULA SA SOUTH KOREA