(Inaasahang mapipirmahan ni Duterte bago mag-Pasko) 2022 BUDGET APRUB NA SA KONGRESO

PILIPINO Mirror
KAMARA-5

NIRATIPIKAHAN agad ng Kamara ang bicameral conference committee report para sa P5.024 trillion na 2022 national budget.

Sa huling sesyon kahapon ay niratipikahan ang bicam report ng pambansang pondo sa susunod na taon matapos na mailusot sa bicam.

Pagkatapos nito ay iaakyat na ang 2022 national budget sa tanggapan ng Pangulo upang malagdaan.

Inaasahan ng mga mambabatas na bago mag-Pasko ay pirmado na ito ng Pangulo at maipatutupad na pagsapit ng Enero.

Kabilang sa “salient points” na napagkasunduan ng Kamara at Senado sa bicam ang P50 billion para sa special risk allowance ng mga health care worker; P50 billion para sa COVID-19 booster shots; P3.5 billion para sa pagbili ng mga bagong C-130 ng Air Force; P32 billion para sa  state universities and colleges (SUCs); at P16 billion para sa National Task Force to End Local Communist Armed Conflict (NTF-ELCAC).

Ang panukalang P5.024 trillion para sa susunod na taon ang pinakamalaking budget sa kasaysayan ng  bansa at ito rin ang huling budget sa ilalim ng administrasyong ­Duterte. CONDE BATAC

Related posts:

JOE_S_TAKEPANUKALA NI BBM UKOL SA BADYET PARA SA EDUKASYON NAPAPANAHON BTR(Sa unang 3 quarters) BUDGET DEFICIT PUMALO SA P1.14-T Rep Eric Go Yap(Tatalakayin na sa Kamara) EXTENSION NG VALIDITY NG 2021 BUDGET PANUKALANG P5.024-T 2022 NATIONAL BUDGET POSIBLENG LUMUSOT SA SENADO SA NOB. 25 MANOK-10(Sa Christmas season) SUPPLY NG MANOK SAPAT BTr(Noong Oktubre) BUDGET DEFICIT LUMOBO SA P1.2-T (Lusot na sa Kamara) EXTENSION NG BISA NG 2021 BUDGET TATAK PINOYPANREGALO SA PASKO? DITO TAYO SA GAWANG PILIPINO: TATAK PINOY!