MAY kabuuang P49.807 billion ang ipinalabas ng Department of Budget and Management (DBM) para sa mandated monthly allowance ng mahigit apat na milyong mahihirap na senior citizens sa buong bansa.
Ayon sa DBM, ang halaga ay inilabas sa Department of Social Welfare and Development (DSWD) noon pang Enero ng kasalukuyang taon.
Layon ng Social Pension for Indigent Senior Citizens (SPISC) Program ng DSWD na matulungan ang mahihirap na senior citizens sa kanilang pang-araw-araw na pamumuhay at mga pangangailangang medikal.
Sa ilalim ng Republic Act 11916, ang mga benepisyaryo ng SPISC Program ay tatanggap ng monthly stipend na P1,000 ngayong taon.
Doble ito ng P500 na dating tinatanggap ng mga kuwalipikadong seniors.
“Eligible recipients of the allowance must be 60 years old and older, frail and sickly, and without pensions from other government sources such as the Government Service Insurance System (GSIS), Philippine Veterans Affairs Office (PVAO), Social Security System (SSS), and private insurance companies,” ayon sa DBM.
Bukod dito, ang mga recipient ay wala dapat regular source ng income o suporta mula sa kanilang pamilya o mga kaanak para tustusan ang kanilang mga pangunahing pangangailangan.
Ayon sa DBM, ang alokasyon ngayong taon para sa SPISC ay mas mataas sa P25.30 billion noong nakaraang taon.
Related posts:
MAHARLIKA INVESTMENT FUND, DAPAT MAY MGA LIMITASYON AT KAILANGANG DUMAAN SA MATINDING PAGHIHIMAY AT PAGBUSISI
(Aprubado na ng DBM) P7.6-B CASH AID SA MAHIHIRAP NA PINOY
(Sa panukalang 2024 budget) P118.5-B INILAAN SA SOCIAL PROTECTION PROGRAM NG DSWD
GSIS SA INFRA ASSETS: INVESTMENTS TULOY-TULOY
SSS PINALAWIG ANG LRP NA MAY PENALTY CONDONATION HANGGANG ABRIL 2019
94% NG NAT’L BUDGET NAIPALABAS NA
P100-B UTANG NG DBM SA CONTRACTORS AT SUPPLIERS – SOLON
INFRA SPENDING PAPALO SA 6.2% NG GDP