TAGUIG CITY – PITONG pulis mula sa National Capital Region Police Office (NCRPO) kabilang ang isang junior officer ang nagpositibong gumagamit ng ilegal na droga matapos na isalang sa random drug testing.
Sa 31 tauhan ng NCRPO, 22 lamang sa mga ito ang sumailalim sa nasabing drug testing na napag-alaman na isa sa mga ito ay kabilang 357 nasa narco list ni Pangulong Rodrigo Duterte.
Nabatid pa na umaabot sa 6,000 pulis ang isinailalim sa random drug testing simula noong Oktubre 2019 hanggang Pebrero ngayong taon.
Ayon kay Police Major Gen. Debold Sinas, hepe ng Metro Manila Police, kasama sa pitong nagpositibo ang isang sarhento na kabilang din sa drug watchlist na inilabas ng PNP nitong buwan at isang police lieutenant mula sa Muntinlupa.
Ani Sinas, dinisarmahan na nila ang mga pulis na nagpositibo sa droga at isasailalim na sa pre-charge investigation para sa kasong administratibo.
Kaugnay nito, sinabi ni Sinas na nasa 300 pulis pa ang iniimbestigahan din dahil sa pagkakadawit ng kanilang mga pangalan sa ilegal na droga. REA SARMIENTO/MARIVIC FERNANDEZ
Related posts:
163K PULIS MAGBABANTAY SA BSK ELECTIONS
800 PULIS PUMOSTE SA SC HALL PARA ISEKYUR ANG MGA RALIYISTA
P6-B PARA SA MGA KOMANDER NG PULIS
HEPE NG PULIS NA MISSING IN ACTION SINIBAK
674 PULIS INASUNTO VS HR VIOLATIONS
PULIS KULONG SA PANUNUTOK NG BOGA SA LOLO
BEBOT KALABOSO SA PANUNUHOL SA PULIS
PULIS-MAKATI UMAYAW SA SUHOL
Comments are closed.