INIREKOMENDA ng Department of Transportation (DOTr) ang pansaman- talang pagkakaloob ng fare discounts sa mga commuter na sumasakay sa public utility vehicles (jeeps, buses, and UV Express) kapalit ng libreng sakay sa EDSA Bus Carousel.
Sa ulat ng GMA News, ang inirekomendang discounted fares ay ang kaparehong pasahe sa pre-pandemic at bago ipinatupad ang fare hike.
“Pre-pandemic fare matrix will be applied and the provisional fare increases implemented will be covered accordingly by the government,” pahayag ni DOTr Secretary Jaime Bautista sa memorandum na isinumite kay Land Transportation Franchising and Regulatory Board (LTFRB) chairman Teofilo Guadiz III.
Batay sa rekomendasyon, ang minimum fare para sa traditional jeepneys ay magiging P9 mula sa kasalukuyang P12, habang sa modern jeepneys ay P11 mula P14.
Ang posibleng discount para sa bus ay hanggang P4, habang pinag-aaralan pa ng ahensiya ang sa UV Express.
Ayon sa DOTr, ang discounted fares ay ipatutupad sa ilang bahagi ng bansa.
“Ang ikokonsidera dito ay ‘yung mga ruta sa buong bansa na pinakamarami ang pasahero,” sabi ni DOTr Undersecretary Mark Steven Pastor.
Related posts:
(Ikinakasa ng DOTr)CASHLESS PAYMENT SA PUBLIC TRANSPORT
(Ipamamahagi na ng DOTr)FUEL SUBSIDY SA TRICYCLE DRIVERS
(Gobyerno naglaan na ng budget)LIBRENG SAKAY SA EDSA BALIK SA Q2
SUBSIDIYA PARA SA MODERN JEEP ITATAAS SA P260K
(Subsidy na lang sa drivers, operators)PUV FARE DISCOUNT ‘DI NA TULOY
(Basta ‘road-worthy’ – DOTr)TRADITIONAL JEEPS PUWEDE PA NG 5 TAON
(Sa LRT, MRT)FACE MASKS MANDATORY PA RIN
TRANSPO PARA SA HEALTH WORKERS HINILING