IVANA ALAWI IPINAKITA ANG MANSION SA BAHRAIN NA PAMANA NG AMA

PINAG-UUSAPAN ngayon ang latest YouTube vlog  ni  Ivana Alawi  nang ipakita ang kabuuan  ng kanyang  mansion sa Bahrain na isa sa ipinamana ng kanyang yumaong  Moroccan  father.

Nakagugulat  na wala pang 24 hours nang i-post  ito ni Ivana ay more than 3 million na agad  ang  views  nito.

Pagpapatunay lang nito na hindi tsismis  lang ang balitang pinamanahan  siya ng kanyang Moroccan father ng properties.

Sabi ni Ivana sa simula pa lang ng video ay ito raw ang kanyang childhood  house, ang bahay  kung  saan siya  nagkaisip  at  lumaki.

“Isa  ito sa pinaka-special  na video na ilalabas ko  sa YouTube channel  ko  kasi  ipakikita  ko  sa inyo kung saan ako lumaki. Kung saan nag-start  si Ivana Alawi. Nandito tayo  ngayon sa Bahrain  at  ito  ang aking  childhood  house. Dito ako naglaro-laro,” pahayag ni Ivana.

Namangha ang isang netizen at nasabi na kuwarto  pa lang daw ni Ivana  ay mistulang  isang buong bahay na nila. Ito rin ang patunay na rich  talaga si Ivana at  kaya raw pala  “heiress” ang tawag  sa kanya.

Bago inilabas ni Ivana ang pamanang mansion ng kanyang ama  ay  inamin na niya kay Vice Ganda nang mag-guest  siya sa show nito  na mayroon siyang malaking inheritance sa kanyang yumaong Moroccan father.

Pinupuri  naman ng netizen si Ivana dahil kahit na mayaman na ito ay down to earth pa rin ito.

Naku! ‘Di kaya dahil ngayon napatunayan nang isang heiress si Ivana  ay siguradong mas dadami pa ang magtatangkang  masungkit  ang kanyang puso.

ALJUR ABRENICA MAPALAD SA ASAWANG  SI KYLIE

MAPALAD  si Aljur Abrenica na magkaroon ng isang asawa na tulad ni Kylie Padilla dahil bukod  sa talagang asikasong-asikaso siya nito at ang kanilang anak ay madiskarte pa sa buhay.

Habang wala pang project ay hindi nito ninais na magmukmok  o ma­ging kuntento na lang sa bahay. Habang walang ginagawang serye o movie ay humanap muna ito ng mapagkakakitaan.

Makikita sa Instagram ni Kylie ang pagsali niya sa isang celebrity bazaar ngayong weekend. Ibebenta ni Kylie ang kanyang mga pre-loved items mula sa kanyang mga personal  na gamit at gamit sa loob ng kanilang bahay.

Kahit  hindi  kalakihan  ang kanyang  booth ay isang napakalaking bagay  na ito sa kanyang husband na si Aljur  at sa mga tagahanga ng actress dahil hindi siya tulad ng ibang mga celebrity wife na kuntento na nasa bahay na lang.

Ipinost ni Aljur ang larawan ni Kylie  na nasa booth ito para ipaalam ang pagsali ng asawa  sa ukay-ukay business.

Ano kaya  ang ma­ging reaction ng ama ni Kylie na si Robin Padilla?

HEART EVANGELISTA NAG-TOPLESS, NABULABOG ANG FANS

GINULAT ni Heart Evangelista ang social media sa ipinost  niyang larawan na topless. Nabulabog  ang followers ni Heart  sa Instagram sa naturang  photo.

Sa mga nagtatanong kung ano ang magi­ging reaction ng mister ni Heart na si Sorsogon Governor Chiz Escudero ay isa lang ang alam namin na magiging sagot nito. Proud siya sa kanyang misis na super ganda na ay marunong pa sa buhay.

Matatandaan kasi sa tuwing makakausap si Chiz ng press ay lagi nitong sinasabi na proud siya sa kanyang misis na si Heart at walang problema sa kanya kung anuman ang gawin ng kanyang actress/wife.