IVANA ALAWI KINABOG SINA VICE GANDA AT ALEX

FOR the second time, nanguna muli ang actress-vlogger na si Ivana Alawi sa top YouTube content creator sa bansa ngayong 2021. Magkasunod na taon na bale ngayon na hawak ni Ivana ang korona at wala pa ring makatibag sa kanya dahil siya muli ang top local content creator sa YouTube, ayon sa nilabas na listahan ng Google Philippines. Hindi pa rin talaga natinag si Ivana sa kanyang puwesto dahil mayroon siyang 14.4 million subscribers sa YouTube at halos isang bilyon na rin ang total views sa mga uploaded videos niya.

Nagsimulang dumami ang followers ni Ivana dahil sa pamimigay niya ng tulong in cash and kind sa kaniyang mga followers. Effective yung gimik niyang nagdi-disguise siya tapos mamimigay ng 5k 10k 20k sa masusuwerteng mga kababayan natin na nagbabanat ng buto sa kalsada para mabuhay kahit may edad na.

Bale 2019 lang nagsimulang mag-vlog si Ivana, pero talagang nakuha niya ang pulso ng masa. Wala ka ngang makikitang mababang views sa channel ng sexy star-vlogger dahil kahit simple lang ang iba niyang content ay hindi talaga bumababa sa milyon ang nanonood nito. Patunay lang na sinusundan at tinututukan lahat ng videos niya.

Nakuha naman ni Alex Gonzaga ang third spot, kung saan pansamantala kasi siyang nagpahinga sa YouTube matapos magka-miscarriage. Hindi rin nagpahuli ang kapatid niyang si Toni Gonzaga na kahit pa nga ngayong taon lang kinarir ang pagiging content creator ay angat agad sa fourth spot.

Hindi rin nagpakabog si Vice Ganda na nasa rank 6th, kung saan patok sa kanyang mga subscribers ang mga ginagawa nilang vlog ng kanyang partner na si Ion Perez, pati ang kanyang family and friends.

Ilan pa sa nakasama sa Top 10 content creator sa YouTube ay ang kapatid ni Ivana na si Hash, Zeinab Harake, Donnalyn Bartolome, Skusta Clee, Mika Salamanca, at Cong TV.

At kaya naman inuulan ng blessings si Ivana dahil marunong siyang mag-share ng blessings. Imagine, nung 23rd birthday ng kanyang personal assistant named KC, niregaluhan niya ito ng diamond earrings na halos ikaloka nito sa sobrang kagalakan.

ANGELINE QUINTQ, PREGGY?

USAP-USAPAN sa ngayon sa social media na buntis si Angeline Quinto nang aksidenteng mahagip ng camera ang telepromp­ter sa isa sa kanyang mga performance kung saan nakasulat ang… Angge to share pregnancy journey, pregnancy kit, 1st ultrasound at lumalaki ang tiyan. At mas lalong tumindi ang bulung-bulungan nang tanungin si Erik Santos ni Cristy Fermin nang mag-guest sa Cristy Ferminute kung totoo nga bang buntis si Angeline. Hindi kasi mamatay-matay ang chikang tatlo o apat na buwan ng buntis ang Queen of Telenovela Themesong.

Napainom nga raw ng tubig si Erik at hindi agad nakasagot sa tanong ni Tita Cristy.

Sana nga ay totoo ang chikang mag-aanunsyo si Angge very soon kung ano ang katotohanan sa buntis issue. Baka aminin na rin ni Angge ang sinasabing non-showbiz boyfriend niya na balitang ‘kababata niya sa Sampaloc’ kung saan sila dati nakatira. Nagtatrabaho daw ito bilang card dealer sa casino kung saan madalas daw umawit at mag-perform si Angeline.