JULIA INAMING NAGSESELOS KAY DANIEL SI JOSHUA

DATING na-link si Julia Barretto kay James Reid.

Kaya sa Tonight With Boy Abunda, natanong ng host na si Boy Abunda kung puwede pa rin ba silang magtrabaho sa isang proyekto.

Sagot ni Julia, “yes.” Follow-up question ng King of Talk, kung friends pa rin daw ba sila ni  James. Honest naman ang sagot ng young actress, hindi raw siya sure kung masasabi pa niyang kaibigan si James.

Kaya ang tanong pa ni Kuya Boy, ‘kung seloso daw ba si Joshua (Garcia).

Ani Julia, “sobrang seloso. Lahat pinagseselosan niya.” Aniya pa,   kailangan daw ay ipaliwanag kay Joshua kung bakit hindi niya dapat pagselosan ang isang guy.

Pinakita rin ng TWBA host ang larawan ni Daniel Padilla.

“Daniel, yes, kasi nga lahat pinagseselosan niya,” pag-amin ng young actress.

COCO MAS MARAMING MOTORBIKE KESA KOTSE

HINDI magagarang kotse ang passion ni Coco Martin sa mga sasakyan kundi mga bike.

May 11 motorbike collection ang actor at ang karamihan ay big bikes  at kapag may oras, ang ginagawang relaxation ni Coco ay ang pag-iikot sakay ng kanyang motorbike.

May mga mamahalin din siyang sasakyan, pero mas malakas daw talaga ang dating ng motorcycles sa actor.

Ibinahagi ni Coco kung papaano siyang nagkaroon ng kauna-unahang big bike.

Generous gift daw ‘yun para sa kanya. Ang nagbigay ay ang actress na si Dawn Zulueta nu’ng magkasama ang dalawa sa TV series  na Walang Hanggan 2012.