(Kahit annulled na kay Cesar) SUNSHINE CRUZ AYAW MUNANG PAKASAL SA BF 

ALMOST three years na ang relasyon ni Sunshine Cruz sa boyfriend niyang si Macky Mathay. Pero ayaw pa ni Sunshine na mag-level-up ang relationship status nila ni Macky bilang married couple.

Knows naman daw ni Macky na ayaw pang magpakasal ni Sunshine. Hindi rin pabor si Sunshine sa ideya na biglang mag-propose ng kasal si Macky sa kanya.

“No, not now,” diin ni Sunshine. “We don’t talk about it and I don’t want to talk about it for now. I’m just focus on work right now, work and kids. I’m enjoying my life with my kids. Nand’yan naman siya. We’re there for each other. That’s what’s important. ‘Yun na muna.”

Bagaman inamin ni Sunshine na inspirasyon nila ni Mack ang isa’t isa to be the better versions of themselves.

“Pero hindi muna kami pumupunta sa ganoon kasi, in God’s time. Kung darating, dara­ting. And personal at trabaho, wala akong mahihiling pa. Nakuha ko na ‘yung matagal kong gustong annulment. So, chill-chill, happy-happy, relax-relax na lang. Mag-ipon na lang.”

Dalawang pelikula ang ginagawa ni Sunshine ngayon. Ang 2019 Cinemalaya entry niya na “Malamaya” directed by two first time and both female directors na sina Leilani Chavez and Da­nica Sta. Lucia at ang “The Heiress.”

Excited and proud si Sunshine sa “Malamaya” ‘di lang dahil siya ang lead female star ng movie kundi first time niya to do a film for Cinema-laya. Leading man niya si Enzo Pineda and co-starring with Raymond Bagatsing produced by Spears and ALV Productions.

Poster pa lang ng “Malamaya” ay marami na ang nag-comment nu’ng pinost ni Sunshine sa kanyang social media account kabilang na ang kanyang ‘tres marias’ na mga anak at si Macky.

“Oo naman,” say ni Sunshine. “Pero sabi ko nga sa kanya, ‘Maybe, kung kunwari, mayroong screening for the media and for other people, I think it’s not advisable for you to be there.’ Kasi sabi ko, ‘Imbes na ma-appreciate ‘yung merit ng movie, baka ‘yung ma­ging reaksiyon mo ang pagpiyestahan ng ibang tao, which is also not fair for the movie.”

Naintindihan naman daw ‘to ni Macky.

“’Yung relax na lang na parang ang dami na naming pinagdaanan sa buhay. Ang pinakamaha­laga we are loyal to each other. We are faithful. We trust each other.”

Deadmabels naman si Sunshine sa iko-comment ng netizen sa paggawa niya ng “Malamaya” na may pagka-sexy and sensual ang tema.

“What? Doesn’t really make a difference? Kahit nga wala na ako’ng ganyan may mga basher pa rin ang mga nagsasabi ng hindi maganda tungkol sa akin and, manhid na tayo sa ganoon. As long as you know, that youre not doing anything and before, it was part of our job.”

“Hindi ko na siya pinag-iintindi ‘di ba? I don’t owe you any explanation because you already knew that it was part of my job but you still name names, ‘di ba?”