TUMAAS ang inilalabas na sulfur dioxide ng Bulkang Taal sa nakalipas na magdamag.
Sa pinakahuling bulletin ng Philippine Institute of Volcanology and Seismology (PHIVOLCS), dakong alas-8 ng umaga kahapon ay naglabas ng 409 tons ng sulfur dioxide ang Taal Volcano na mas mataas kumpara sa 224 tons na naitala nitong Biyernes.
Gayunpaman, sinabi ng PHIVOLCS na mababa na ito kumpara sa 5,299 tons per day na kanilang naitala, isang araw matapos ang unang pagaalboroto ang Bulkang Taal.
Kaugnay nito, nakapagtala rin ang PHIVOLCS ng anim na mahihinang pagyanig sa paligid ng bulkan na naglalaro sa 1.5 hanggang 2.3 magnitude.
Sa kabila ng mahinang aktibidad, muling iginiit ng PHIVOLCS na nananatili pa rin ang alert level 4 sa Bulkang Taal at ang mga panibagong aktibidad nito ay hudyat na mayroon nang deposito ng magma na maaaring magdulot ng mas mapanganib na pagsabog. DWIZ 882
Related posts:
(Alay sa mga biktima ng pagsabog ng Bulkang Taal) SECOND COLLECTION SA SIMBAHAN
ABO NG BULKANG TAAL MAY TAAS NA 700 METRO
(Sa mga lugar na apektado ng pagputok ng Bulkang Taal) PRICE FREEZE SA GAMOT, FACE MASKS
TULONG MUNA BAGO IMBESTIGA
P30K CASH AID PARA SA APEKTADO NG PAGSABOG NG BULKAN
BULKANG TAAL MULING BUMUGA NG MAKAPAL NA ABO
(Sa Taal locked-down areas —DOE) POWER, OIL SUPPLY PUPUTULIN
KAHANDAAN NG GOBYERNO SA KALAMIDAD PAG-AARALAN
Comments are closed.