MAGUINDANAO – NAGPAPATULOY ang operasyon ng Philippine Army katuwang ang Philippine Air Force kung saan gumamit na ng fighter plane at natunton ang kuta ng Daesh inspired Bangsamoro Islamic Freedom Fighters sa lalawigang ito at batay sa militar, may walong kalaban ang nasawi.
Ayon kay Maj Gen. Cirilito Sobejana, commander, 6th Infantry Division, inaalam pa ng kanyang mga tauhan kung kasama sa mga nasawi ang ilang foreign terrorists na nagkukubli sa area sakop ng Sultan sa Barongis.
Ayon kay Sobejana may mga pangalan na sila ng napaslang subalit kasalukuyan pa nilang kinukumpirma dahil kabilang umano sa nasawi si Salahudin Hasan, sub-commander ni Daulah Islamiya Toraife group.
May ulat din na kasama ni Abu Toraife si Mawiya, Singaporean, dalawang Arab at middle eastern looking na individuals at dalawang Malaysian.
Magugunitang napalaban na rin ang militar sa mahigit 100 bandido sa Patikul, Sulu kung saan limang sundalo ang nasawi habang tatlo naman sa panig ng mga teroristang Abu Sayyaf kasama umano si Abu Black sa nasawi.
Nabatid na matapos ang surgical strike ay nagsagawa naman ng artillery fire ang mga tauhan ng army at saka sinundan ng ground assault. VERLIN RUIZ
Related posts:
SAYYAF MAY HAWAK PANG 7 BIHAG -AFP
AFP VISION 2020: LASTING PEACE
MASSIVE REVAMP SA AFP NAKAAMBA
BAGONG LIDER SA AFP ITINALAGA
AFP CS SANTOS LUSOT SA CA; BENEPISYONG MAWAWALA SA VFA PUPUNAN
(Para mapalaya ang 5 Indonesian victims) AFP CLUELESS SA P30-M DEMAND NG ASG
11,177 ENEMIES OF THE STATE ‘NAPATAHIMIK’ NG AFP
OVERALL CHAIRMAN NG CPP-NPA TUMBA SA JOINT AFP-PNP OPERATION SA BAGUIO
Comments are closed.