BULACAN- ISANG drug peddler ang napatay matapos kumasa sa pinagsanib na operatiba ng Bulacan Provincial Intelligence Unit(PIU) at Bustos Police nang makatunog na undercover agent ang ka-transaksiyon nito sa NIA Road,Barangay Talampas,Bustos ng lalawigang ito kahapon ng madaling araw.
Sa isinumiteng report kay Bulacan-PNP Provincial Director Col.Lawrence B. Cajipe,nakilala ang suspek na si alias Tamil Cruz,47-anyos ng Mac-Arthur Highway,Barangay Bulihan,Malolos City na kabilang sa drug watch list na namatay noon din bunga ng tama ng bala sa kanyang katawan.
Nabatid, dakong alas-3:20 ng madaling araw nang magsagawa ng buy-bust operation ng Bulacan PIU sa pangunguna ni P/Major Jansky Andrew Jaafar,Provincial Chief ng Bulacan PIU laban sa suspek sa NIA Road,Barangay Talampas,Bustos at matapos ang transaksiyon ay nakatunog si Cruz na mga pulis ang ka-deal nito.
Kaya’t sa halip na sumuko, bumunot ng baril at nanlaban ang suspek na nauwi sa engkuwentro na siyang ikinasawi nito.
Narekober sa suspek ang ilang pakete ng shabu,buy-bust money, baril at isang multi cab na gamit sa iligal na gawain. MARIVIC RAGUDOS
Related posts:
DROGA SA 5 REHIYON TALAMAK PA RIN
PAGKASA NG PUSHER ‘DI UMUBRA, 19 PA NADAKIP
TRIKER, 7 PA NA PUSHER NALAMBAT SA PASAY
LOLA, 4 PA KALABOSO SA DROGA
5 SANGKOT SA DROGA NAISELDA; 2 VK MACHINES NASAMSAM
MAG-ASAWANG HULI SA TINANGGAP NA DROGA SA BUS
TRADER NAGTANGKANG MAGPUSLIT NG DROGA TIKLO
MIYEMBRO NG PNP-HPG HULI SA DROGA
Comments are closed.