QUEZON-PATAY ang isang lalaki matapos itong ma-trap sa nasusunog nitong bahay sa may Daleon St.,Purok Magkakapatid, Torres Subd.,Barangay Ilayang Iyam, Lucena City.
Kinilala ang biktima na si Rodelio Camacho Mendoza, 40-anyos at residente ng nabanggit na barangay.
Base sa report ng Lucena PNP, dakong ala-6:10 ng gabi nang makitang may lumalabas na makapal na usok sa loob ng bahay ni Mendoza at biglang sumiklab ang apoy na kung saan sumisigaw ng tulong ang biktima.
Agad nagrespondeng ang mga bumbero, dakong alas -7:30 ng gabi ay naapula ang apoy subalit, hindi nakaligtas ang biktima na hinihinalang na-suffocate dahil sa nabalot ng makapal na usok ang loob ng bahay.
Sa report BFP, tinatayang aabot P900K ang halaga ng nasunog na bahay at gamit ng biktima habang inaalam pa ng Lucena BFP Arson Investigator kung ano ang dahilan ng sunog at kung saan ito nagmula.
Samantala, isinailalim naman ang katawan ng biktima sa Post Mortem Examination. BONG RIVERA
Related posts:
5,200 PAMILYA APEKTADO NG SUNOG SA JOLO
3 BAHAY NASUNOG, MISTER DAMAY
P11 MILLION DANYOS SA NASUNOG NA PAARALAN
PALENGKE NATUPOK, P60 MILYON ANG DANYOS
UNDAS TRAGEDY: EX-POLICE COLONEL NA MAY SAKIT NADALE NG APOY
FILIPINO WORKER SA SAUDI NAOSPITAL NANG MASUNOG ANG DALAWANG ANAK
MAG-ASAWANG MATANDA NADALE SA SUNOG
150 PAMILYA NASUNUGAN SA NAVOTAS
Comments are closed.