LIBO-LIBONG overseas Filipino workers (OFWs) na papauwi ng kanilang mga probinsiya ang dumagsa at pumila nang ilang oras habang naghihintay ng kanilang flight sa Ninoy Aquino International Airport (NAIA) Terminal 2 sa Parañaque City.
Ang nasabing mga OFW ay ilang linggo nang stranded sa mga cruise ship, hotels at iba pang quarantine facility dahil sa mandatory quarantine matapos mag-uwian bunga ng COVID-19 pandemic.
Ayon sa Overseas Workers Welfare Administration (OWWA), nasa 3,500 repatriated OFWs na ang natapos ang mandatory quarantine, at nagpahayag ng kagustuhang makauwi na sa kani-kanilang lalawigan kaya iniutos ni Pangulong Rodrigo Duterte na agad na pauwiin ang mga ito.
Binigyan lamang ng Pangulo ng hanggang ngayong linggo ang OWWA, Department of Labor and Employment (DOLE) at ang Department of Transportation (DOTr) at iba pang ahensiya upang mapauwi na ang 24,00 repatriated OFWs.
Sinabi ni Presidential Spokesman Harry Roque na nagbanta ang Pangulo na may mananagot umano kapag hindi ito nangyari.
Matatandaaang libo-libo seafarer ang na-stranded din sa mga cruise ship na nakadaong sa Manila Bay dahil hindi pa umano sila makauuwi ng kani-kanilang pamilya dahil kailangan pa nilang matapos ang quarantine bago bumaba ng barko.
Related posts:
(Kabuuang 736 OFWs ang infected) 22 OFWs NAKAREKOBER SA COVID-19
OFWs PINAYAGAN NANG MAKAALIS NG BANSA
P1-B PA PARA SA DOLE CASH AID SA OFWs
UUWING OFWs SWAK SA ‘BUILD BUILD BUILD’
157 PANG OFWs TINAMAAN NG COVID-19
CASH, MEDICAL AID SA 81K OFWs NA APEKTADO NG COVID-19
16 PINOY BINIGYAN NG ROYAL PARDON; DUTERTE NAGPASALAMAT SA KINGDOM OF BAHRAIN
OFWs NA NASA PROBINSIYA TUTULUNGAN PABALIK NG ABROAD
Comments are closed.