BATANGAS-ISANG negosyante at umano’y karelasyon nito ang pinagbabaril ng riding-in-tandem suspects sa Brgy 4, Nasugbu kahapon ng umaga.
Kinilala ng Nasugbu Police ang mga biktima na sina Clement Jalijali at Rosolo Vivas.
Dead on the spot si Vivas matapos magtamo ng fatal shot na naging dahilan ng daglian nitong kamatayan.
Naisugod naman sa Jabez Medical Center ang kasama nitong si Clement Jalijali na tinamaan rin ng bala subalit kalaunan ay binawian din ng buhay.
Batay sa paunang imbestigasyon, naglalakad lamang ang dalawa sa tapat ng Nasugbu West Central School ng may sumulpot na naka motorsiklo at pinagbabaril ang mga biktima. RON LOZANO