NEGROS OCCIDENTAL – DEAD on the spot ang isang lalaki habang malubhang nasugatan ang kinakasama nito nang pagbabarilin ng mga hindi pa nakikilalang suspek sa Barangay 2 sa Bacolod City kamakalawa ng gabi,
Sa report ng Bacolod City Police Ofice, nasawi sa pamamaril si Robert Salvador, 50-anyos. Kasalukuyan namang inoobserbahan sa pagamutan ang kaniyang live-in partner na si alyas Tintin Tipon.
Hinihinalang may kaugnayan sa droga ang motibo sa pamamaril ng mga hindi pa nakikilalang suspek sa mag- live-in.
Ayon kay Police Station 2 commander P/Major Sherlock Gabana, kapwa nasa drugs watchlist ang dalawang biktima.
Base sa pagsisiyasat, may mga impormasyon hinggil sa umano’y onsehan sa droga at umano’y panloloko ni Salvador sa kaniyang mga parokyano.
Ayon pa sa pulisya, hindi ito ang unang pagkakataong may nagtangka sa buhay ni Salvador. VERLIN RUIZ
