BATAAN – KALABOSO ang apat katao na kinabibilangan ng mag-aama matapos maaktuhang magkakasabwat na nagbenta ng shabu sa under cover police sa drug buy bust operation sa Barangay New San Jose, Dinalupihan.
Sa ulat ni Dinalupihan Police Station Chief Lt.Col. Donato Bait kay Bataan Police Director Col.Villamor Tuliao, nakilala ang mga nadakip na sina Juanito Salo, ama ng magkapatid na sina Harvey at Hervin Salo, na pawang mga residente sa naturang lugar at isang Randy Macatol na taga-Olongapo City na itinuturo ng mag-aama na nagbabagsak umano ng shabu.
Sumailalim na umano ang suspek na si Juanito at isa sa anak nito na naaresto sa bahay pagbabago reformation program sa lugar.
Subalit nakatanggap umano ang mga awtoridad ng impormasyon na nagbalik ang mga ito sa dating bisyo, kaya isinailalim sa surveillance kung saan nang magpositibo ay ikinasa ang buy bust.
Aminado ang mga suspek na gumagamit ng ilegal na droga kung saan inabutan umano ng mga pulis na nag-iinuman pa ang mga suspek na katatapos lang mag-pot session.
Nakumpiska sa mga suspek ang isang malaki at apat na maliliit na pakete ng hinihinalang shabu, drug paraphernalia at marked money na ginamit sa buy bust. ROEL TARAYAO
Comments are closed.