CAVITE – KALUNOS-LUNOS na kamatayan ang sinapit ng mag-asawang matanda makaraang makulong sa kanilang bahay na nasunog sa bahagi ng Barangay Panapaan 3 sa Bacoor City, Cavite kamakalawa ng madaling araw.
Bandang alas-3:30 ng madaling araw nang matagpuang patay ang mag-asawang sina Sozimo Nario, 71, barangay kagawad; at Mercedita Nario, 65, kapwa caretaker ng Francel Corporation at nakatira sa gilid ng nabanggit na kompanya.
Base sa ulat ni SPO1 Michael Legaspi Jr. na naisumite sa Camp Pantaleon Garcia, nagsimulang masunog ang bahay ng mag-asawa bandang alas-3 ng madaling araw.
Kaagad naman rumesponde ang pangkat ng pamatay-sunog ng Bacoor City makaraang makatanggap ng ulat kaugnay sa sunog kung saan naapula naman ang apoy bandang ala-3:38 ng madaling araw.
Natagpuan ang nasunog na bangkay ng mag-asawa sa loob ng kanilang bahay na gawa sa light materials habang patuloy naman ang imbestigasyon kaugnay sa naganap na sunog. MHAR BASCO
Related posts:
1,000 KABAHAYAN NASUNOG, LIBONG PAMILYA APEKTADO
KARAOKE BAR NASUNOG
USOK DINEDMA, BAHAY NASUSUNOG NA PALA
150 BAHAY TUPOK, BEBOT NAMBATO NG BOMBERO KALABOSO
LOLO NALANGO, BAHAY NAABO
BABAE HUMAHALAKHAK HABANG NA-SUSUNOG ANG BAHAY
(Kawad ng koryente pumutok, motor sumabog) 24 BAHAY NILAMON NG APOY
40 BAHAY NAABO, LOLA SUGATAN SA 2-ORAS NA SUNOG
Comments are closed.