CAVITE – KALABOSO ang binagsakan ng mag-asawang trader makaraang makumpiskahan ng P54.4k halaga ng shabu sa ikinasang anti-drug operation ng pulisya at PDEA 4A sa Barangay H2, Dasmariñas City, Cavite kamakalawa ng gabi.
Isinailalim sa tactical interrogation ang mga suspek na sina Omar Datu y Amer, 44-anyos, at Mariam Datu y Dida, 43-anyos, kapwa nakatira sa Block 4 Excess Lot sa nabanggit na barangay.
Base sa ulat ng pulisya na nakarating sa Camp Pantaleon Garcia, nasa drug watchlist ang mag-asawa bilang mga bagitong drug trader kaya isinailalim sa masusing surveillance ng awtoridad.
Ilang araw ang nakalipas ay isinagawa ang buy bust operation laban sa mag-asawa kung saan nasamsam ang 7 plastci sachets na shabu na may timbang na 8 gramo at may street value na P54,400.00.
Maliban sa droga ay narekober din ang P500 marked money na ginamit sa anti-drug operation kung saan isinailalim na sa chemical analysis ang shabu habang pina-drug test at physical examination ang mga suspek na ngayon ay naghihimas ng rehas na bakal sa police detention facility. MHAR BASCO
Related posts:
RE-ELECTED BRGY. CHAIRMAN DINAKIP SA SHABU
4 HULI SA P3.5-M SHABU
KELOT ARESTADO DAHIL SA GRANADA AT SHABU
GINANG NA NAG-VIRAL SA SOCMED TIMBOG SA BUY BUST
P7-M HALAGA NG SHABU NAKUMPISKA SA BUY BUST
TAIWANESE TIMBOG SA BUY BUST, HIGIT P20-M SHABU NAKUMPISKA
14 SACHET NG SHABU NAREKOBER SA 2 DRUG PERSONALITIES
P6-MILLION SHABU NASAMSAM SA DRUG OPS
Comments are closed.